২৯ জুলাই সোমবাৰে ১০ মিটাৰ এয়াৰ পিষ্টল মিক্সড টিম ইভেণ্টত ব্ৰঞ্জৰ পদক মেচৰ বাবে ভাৰতৰ দুই প্ৰতিযোগী মনু ভাকৰ-সৰবজিৎ সিঙে যোগ্যতা অৰ্জন কৰে৷ ৰিদম চাংৱান আৰু অৰ্জুন সিং চিমাই দশম স্থান দখল কৰে।
ব্ৰঞ্জৰ পদকৰ মেচত কোৰিয়াৰ জিন য়ে অহ আৰু ৱনহ’ লীৰ বিৰুদ্ধে খেলিব বুলি জানিব পৰা গৈছে। সোণৰ পদকৰ বাবে হ’বলগীয়া খেলখনত তুৰ্কীৰ ইলায়দা টাৰহান আৰু ইউচেফ ডিকেচ আৰু ছাৰ্বিয়াৰ জোৰানা আৰু নোভিচ আৰু ডামিৰ মিকেকে মুখামুখি হ’ব। এই মেচ দুখন অহা ৩০ জুলাই অৰ্থাৎ মঙলবাৰে অনুষ্ঠিত হ’ব।
উল্লেখ্য যে ভাৰতীয় মহিলা খেলুৱৈ মনু ভাকৰে পেৰিছ অলিম্পিক ২০২৪ত ভাৰতৰ হৈ প্ৰথমটো পদক জয়লাভ কৰে৷১২ বছৰ পাছত শ্বুটিঙত ভাৰতে মনুৰ হাতেৰে ব্ৰঞ্জৰ পদক জয়লাভ কৰে৷
