পতঞ্জলি আয়ুৰ্বেদৰ ওপৰত আৰোপ কৰা ২৭৩.৫১ কোটি টকাৰ জিএছটি জৰিমানাৰ বিৰুদ্ধে দাখিল কৰা আবেদন এলাহাবাদ উচ্চ ন্যায়ালয়ে খাৰিজ কৰিছে। ন্যায়াধীশ শেখৰ বি চাৰাফ আৰু বিপিন চন্দ্ৰ দীক্ষিতৰ দ্বাৰা গঠিত বিভাগীয় বিচাৰপীঠে পতঞ্জলি আয়ুৰ্বেদৰ আবেদন খাৰিজ কৰে।
ন্যায়াধীশ শেখৰ বি চাৰাফ আৰু বিপিন চন্দ্ৰ দীক্ষিতৰ এখন বিভাগীয় বিচাৰপীঠে পতঞ্জলিৰ যুক্তি নাকচ কৰি কয় যে এনে শাস্তি অপৰাধমূলক দায়বদ্ধতা হিচাপে গণ্য কৰা হয় আৰু অপৰাধমূলক বিচাৰৰ পিছতহে আৰোপ কৰিব পাৰি। ন্যায়ালয়ৰ মতে কৰ্তৃপক্ষই অপৰাধমূলক আদালতৰ শুনানিৰ প্ৰয়োজন নোহোৱাকৈ দেৱানী কাৰ্য্যবিধিৰ জৰিয়তে জি এছ টি আইনৰ ১২২ নং ধাৰাত শাস্তি বিহিব পাৰে। আদালতে স্পষ্ট কৰি দিয়ে যে জিএছটি শাস্তিৰ কাৰ্য্যবিধি দেৱানী প্ৰকৃতিৰ আৰু ইয়াৰ বিচাৰ উপযুক্ত কৰ্তৃপক্ষইহে কৰিব পাৰে। বিচাৰপীঠে কয় যে বিশদ বিশ্লেষণৰ অন্তত স্পষ্ট হৈ পৰিছে যে চিজিএছটি আইনৰ ১২২ নং ধাৰাত চলি থকা কাৰ্য্যবিধিৰ বিচাৰ বিষয়াই কৰিব লাগিব আৰু ইয়াৰ বাবে গোচৰ চলোৱাৰ প্ৰয়োজন নাই।
জিএছটি অধীনত কৰা তদন্তত পতঞ্জলি আয়ুৰ্বেদৰ বিৰুদ্ধে সন্দেহজনক লেনদেন আৰু নথিভুক্ত আয়কৰ ক্ৰেডিটৰ অপব্যৱহাৰৰ অভিযোগ উত্থাপন কৰা হৈছিল। গাজিয়াবাদৰ জি এছ টি চোৰাংচোৱা সঞ্চালকালয় (ডি জি জি আই), গাজিয়াবাদে ২০২৪ চনৰ ১৯ এপ্ৰিলত পতঞ্জলি আয়ুৰ্বেদক কাৰণ দেখুৱাই জাননী জাৰি কৰি কেন্দ্ৰীয় সামগ্ৰী আৰু সেৱা কৰ আইন ২০১৭ৰ ধাৰা ১২২(১), দফা (ii) আৰু (vii)ৰ অধীনত ২৭৩.৫১ কোটি টকাৰ জৰিমনা বিহাৰ প্ৰস্তাৱ আগবঢ়ায়। পিছত ডিজিজিআইয়ে ২০২৫ চনৰ ১০ জানুৱাৰীৰ এক বিচাৰ আদেশৰ জৰিয়তে ৭৪ নং ধাৰাত কৰ দাবী বাদ দিয়ে।
অৱশ্যে ইয়াৰ পিছতো কৰ্তৃপক্ষই ১২২ নং ধাৰাত শাস্তিৰ প্ৰক্ৰিয়া অব্যাহত ৰখাৰ সিদ্ধান্ত লয়। পতঞ্জলি আয়ুৰ্বেদে এই শাস্তিৰ বিৰুদ্ধে উচ্চ ন্যায়ালয়ত আবেদন জনাইছিল, আদালতে ২০২৫ চনৰ ২৯ মে’ত এই আবেদন খাৰিজ কৰে। দুয়োপক্ষৰ শুনানি গ্ৰহণ কৰাৰ পিছত আদালতে ২৯ মে’ত এই আবেদন খাৰিজ কৰে। আৰু কৰ্তৃপক্ষৰ জিএছটি জৰিমানাৰ ওপৰত আইনগত বৈধতা পুনৰ স্থাপন কৰে।
