সমগ্ৰ বিশ্বৰ লগতে ভাৰততো অপ্ৰতিৰোধ্য গতিত ক’ৰ’নাত আক্ৰান্ত লোকৰ সংখ্যা বৃদ্ধি পাইছে।
উত্তৰ পূবৰ আটাইকেইখন ৰাজ্যলৈ ক’ৰ’না ভাইৰাছ সংক্ৰমণ ঘটাৰ ফলত দেশৰ লগতে উত্তৰ পূৱৰ জনগণৰ মাজতো ক’ৰ’নাতংকই দিছে।
তেনে এক সময়তে ক’ৰ’নাতংকত মেঘালয়ৰ ৰাজধানী শ্বিলঙত এজন ৰোগীয়ে আত্মহত্যা কৰাৰ খবৰ পোৱা গৈছে।
ঘটনা বিৱৰণী অনুসৰি আজি মঙলবাৰে পুৱা হাস্পতালত চিকিৎসাধীন হৈ থকা এজন ২৬ বছৰীয়া যুৱকে খিৰিকীৰে জঁপিয়াই আত্মহত্যা কৰে।
আত্মহত্যা কৰা যুৱকজনৰ ঘৰ ছাউথ ৱেষ্ট খাছি হিলছ জিলাৰ মাউকেৰ্ৱাটত বুলি জানিব পৰা গৈছে।
উল্লেখ্য যে, যোৱা সোমবাৰে উক্ত চিকিৎসালয়খলনতে এজন জ্যেষ্ঠ চিকিৎসক কোভিড১৯ত আক্ৰান্ত হৈছে বুলি মেঘালয়ৰ স্বাস্থ্য বিভাগে নিশ্চিত কৰিছিল।
ইতিমধ্যে ইষ্ট খাছি জিলা প্ৰশাসনে মঙলবাৰৰ পুৱাৰ পৰা ৪৮ ঘণ্টালৈ জিলাখনত সান্ধ্য আইন জাৰি কৰিছে।
