দেশত ক’ৰ’নাৰ বৰ্ধিত সংক্ৰমণৰ মাজতে কাইলৈ পৰা আৰম্ভ হ’ব দেশত যাত্ৰীবাহী ৰে’লসেৱা।
ৰাজধানী দিল্লীৰ পৰা দেশৰ বিভিন্ন চহৰলৈ যাত্ৰীবাহী ৰে’লসমূহ চলাচল কৰিব।
ৰে’ল বিভাগে আজি আবেলি ৪ বজাৰ পৰা আই আৰ চি টি চিৰ দ্বাৰা অনলাইনযোগে ৰে’লৰ টিকত সমূহ বুকিং কৰিব পাৰিব বুলি কৈছিল যদিও যাত্ৰী সকলে ৪ বজাৰ পাছতো টিকত বুকিং কৰিবলৈ সক্ষম হোৱা নায়।
অধিক সংখ্যক লোকে একে সময়তে টিকত বুকিঙৰ বাবে চেষ্টা কৰাৰ বাবেই আই আৰ চি টি চিৰ ৱেবচাইট ৱ্যাহত হৈ পৰে।
পৰৱৰ্তী সময়ত ৰে’লৱেৰ তৰফৰ পৰা ৬ বজাৰ পৰা যাত্ৰী সকলে টিকত বুকিং কৰিব পাৰিব বুলি কয়।
উল্লেখযোগ্য যে, ৰে’লত যাতে অধিক সংখ্যক যাত্ৰীয়ে যাত্ৰা কৰিবলগীয়া নহয় তাৰবাবে ৰে’লবিভাগতে সকলো টিকতৰ বুকিং অনলাইন কৰিছে আৰু কোনোধৰণৰ আৰ এ চি টিকতৰ ব্যৱস্থা কৰা নায়।
দেশত যাত্ৰীবাহী ৰে’লসেৱা আৰম্ভ হোৱাৰ পাছত দিল্লীৰ পৰা ডিব্ৰুগড়লৈ আৰু নতুন দিল্লীৰ পৰা আগৰতলালৈ ৰে’ল চলাচল আৰম্ভ হ’ব।
দেশত বিভিন্ন স্থানত আৱদ্ধ হৈ থকা লোকসকলক ঘৰলৈ ওভটাই অনাৰ বাবে চৰকাৰে পূৰ্বে বিশেষ শ্ৰমিক ৰে’ল চলোৱাৰ সিদ্ধান্ত লৈছিল।