ৰাজ্যৰ অন্য প্ৰান্তৰ লগতে কলিয়াবৰতো ৪ আৰু ৫ নৱেম্বৰত শিলঘাটৰ মহাবাহু ব্ৰহ্মপুত্ৰৰ পাৰত অৱস্থিত সুধাকণ্ঠৰ সাংস্কৃতিক ক্ষেত্ৰত নতুন প্ৰজন্মৰ দৃষ্টিত ” মোৰ গীতৰ হাজাৰ শ্ৰোতা শীৰ্ষক ” ভূপেনদাৰ কালজয়ী গীতৰ প্ৰতিযোগিতা ও একাঁজলি শ্ৰদ্ধাঞ্জলি অনুষ্ঠান অনুষ্ঠিত হৈ যায়।
কলিয়াবৰৰ মহকুমা প্ৰশাসন, কলিয়াবৰ কেন্দ্ৰীয় ছাত্র সন্থা, কলিয়াবৰ শাখা সাহিত্য সভা, কলিয়াবৰ লেখিকা সমাৰোহ, কলিয়াবৰ প্ৰেছ ক্লাব, কলিয়াবৰ জিলা মইনা পাৰিজাত, অসম সমবায় মৰাপাট কল কৰ্তৃপক্ষ, কৰ্মী পৰিষদ, শিলঘাট অশোকাষ্টমী মেলা কমিটি আৰু কলিয়াবৰৰ স্থানীয় বিধায়ক কেশৱ মহন্তৰ উদ্যোগত আৰু কলিয়াবৰৰ ৰাইজৰ সহযোগত কেন্দ্ৰীয় ভাবে ভূ
পেন দাৰ সপ্তম মৃত্যু বাৰ্ষিকী উদযাপন কৰা হয়।
দুদিনীয়াকৈ আয়োজন কৰা শ্ৰদ্ধাঞ্জলি অনুষ্ঠানত চিত্ৰাংকণ প্ৰতিযোগিতা, ভূপেন্দ্ৰ সংগীত প্ৰতিযোগিতা, বন্তি প্ৰজ্বলন, গীতা পাঠ, এক বক্তৃতা অনুষ্ঠান, মৰমী শৰতৰ সোঁৱৰণি সোণালী ( সম্বৰ্ধনা , নৃত্য,গীতৰ অনুষ্ঠান) শত শত বন্তিৰে ( বন্তি প্ৰজ্জ্বলন ) আদি অনুষ্ঠিত হয়।
আনহাতে কলিয়াবৰৰ আন এক অনুষ্ঠান “উন্মীলন – এখন নতুন পৃথিৱীলৈ”ৰ উদ্যোগত সোমবাৰে সন্ধিয়া ড০ ভবেন্দ্ৰ নাথ শইকীয়া পুথিভঁৰাল কুঁৱৰীটোলত “সুধাকণ্ঠক স্মৰণ” আৰু “পোহৰৰ উৎসৱ পোহৰৰেই হৈ থাকক” শীৰ্ষক অনুষ্ঠানৰো আয়োজন কৰে।
সুধাকণ্ঠ ভূপেনদাক স্মৰণ কৰাৰ লগতে বন্তি প্ৰজ্জ্বলনৰে তেওঁলৈ শ্ৰদ্ধা জনায় উন্মীলন – এখন নতুন পৃথিৱীলৈ তৰফৰ পৰা লগতে “মানুহে মানুহৰ বাবে ” শীৰ্ষক গীতটি পৰিৱেশন কৰে।
ইয়াৰ লগতে প্ৰদূষণ মুক্ত দীপাৱলী উদযাপনৰ আহ্বানৰে বন্তি প্ৰজ্জ্বলন, ফলক আৰু বন্তি সজ্জাৰে সকলোকে প্ৰদূষণ মুক্ত দীপাৱলী উদযাপনৰ আহ্বান জনায় উন্মীলন – এখন নতুন পৃথিৱীৰ তৰফৰ পৰা।
