বৃহস্পতিবাৰে পুৱতি নিশা হাজোত বৰপেটাৰ তাৰাবাৰী আৰক্ষী আৰু হাজো আৰক্ষীৰ যুটীয়া অভিযানত উদ্ধাৰ হৈছে এখন বলেৰ’ পিকআপ ভান।
হাজোৰ শনিয়াদীৰ চকলাপাৰৰ ফজল হক নামৰ এজন লোকৰ ঘৰৰ চোতালত ৰখাই থোৱা অৱস্থাত আৰক্ষীয়ে উদ্ধাৰ কৰিবলৈ সক্ষম হৈছে ভানখন।
২৩ মে’ত AS-01-MC-1246 নম্বৰৰ এইখন পিকআপ ভানেৰেই ৪০ বস্তাকৈ বাৰ্মিজ চুপাৰী চুৰি কৰিছিল দুৰ্বৃত্তৰ দলে।
বৰপেটা জিলাৰ বহৰিৰ কাকাধোৱা গুডামৰ পৰা দুৰ্বৃত্তই চুৰি কৰিছিল ৮ লাখ টকাৰ বাৰ্মিজ চুপাৰিখনি। এই চুৰিকাণ্ড ঘটনা সংঘটিত হোৱাৰ পাছতে চুপাৰীৰ গৰাকী জনে তাৰাবাৰী আৰক্ষী থানাত দাখিল কৰিছিল এখন এজাহাৰ।
অৱশেষত এই এজাহাৰৰ ভিত্তিতেই বৃহস্পতিবাৰে পুৱতি নিশা হাজো আৰক্ষীৰ সহযোগত তাৰাবাৰী আৰক্ষীয়ে হাজোৰ শনিয়াদীৰ চকলাপাৰৰ পৰা উদ্ধাৰ কৰিবলৈ সক্ষম হয় ভানখন।
লগতে এই ঘটনা সন্দৰ্ভত আটক কৰে আমীৰ আলী আৰু ফজল হ’ক নামৰ দুজন লোকক।
যদিও এই পৰ্যন্ত আৰক্ষীয়ে উদ্ধাৰ কৰিবলৈ সক্ষম হোৱা চুৰি কৰা বৃহৎ পৰিমাণৰ চুপাৰিখিনি।