দেশত কৰ’নাৰ মহা সংহাৰ অপ্ৰতিৰোধ্য গতিত চলিয়েই আছে।
দিল্লীৰ লগতে কেইবা খনো ৰাজ্যত ক’ৰ’ণাৰ সংক্ৰমণৰ পৰিপ্ৰেক্ষিততে বন্ধ কৰি দিয়া হৈছে বিদ্যালয়কে ধৰি আন শৈক্ষিক প্ৰতিষ্ঠান সমূহ।
বিগত ২৪ ঘণ্টাত দেশত কোভিডত আক্ৰান্ত হৈছে ১ লাখ ৪৫ হাজাৰ লোক।ইমানৰ পিছতো কেন্দ্ৰীয় চৰকাৰে দেশত পুনৰ খৰখেদাকৈ সম্পূৰ্ণ লকডাউন দিয়াৰ কথা চিন্ত কৰা নাই।
চৰকাৰৰ এগৰাকী মুখপাত্ৰই তেনেই ইংগিতেই দিছে। প্ৰধানমন্ত্ৰী নৰেন্দ্ৰ মোদীয়ে লকডাউনৰ সলনি ক’ৰ’ণাৰ সংহাৰ বৃদ্ধি পোৱা অঞ্চলত কণ্টেইমেণ্ট জ’নৰ সংখ্যা বৃদ্ধিতহে গুৰুত্ব দিছে।
শনিবাৰে পুৱাই কেন্দ্ৰীয় স্বাস্থ্য আৰু পৰিয়াল কল্যাণ মন্ত্ৰ্যালয়ে দাঙি ধৰা তথ্য অনুসৰি, যোৱা ২৪ ঘন্টাত দেশত ১ লাখ ৪৫ হাজাৰ ৩৮৪ জন লোক কৰ’নাত আক্ৰান্ত হৈছে।
এই সংখ্যা পূৰ্বৰ দিৰ তুলনাত ১৪ হাজাৰ অধিক।
এতিয়ালৈকে দেশত মুঠ কৰ’না আক্ৰান্তৰ সংখ্যা হৈছে ১ কোটি ৩২ লাখ ৫ হাজাৰ ৯২৬ গৰাকী লোক।সেইদৰে স্বাস্থ্য মন্ত্ৰ্যালয়ৰ তথ্য অনুসৰি দেশত মুঠ মৃত্যুৰ সংখ্যা হৈছেগৈ ১ লাখ ৬৮ হাজাৰ ৪৩৬ গৰাকী লোকৰ।
যোৱা ২৪ ঘন্টাত দেশত ৭৯৪ গৰাকী লোকৰ কৰ’নাত আক্ৰান্ত হৈ মৃত্যু হৈছে।
আনহাতে, বিগত ২৪ ঘন্টাত দেশত ৭৭ হাজাৰ ৫৬৭ গৰাকী লোকে কৰ’নাৰ পৰা আৰোগ্য লাভ কৰিছে। সেইদৰে, দেশত মুঠ সক্ৰিয় ৰোগীৰ সংখ্যা হৈছেগৈ ১০ লাখ ৪৬ হাজাৰ ৬৩১ গৰাকী।
দেশত এতিয়ালৈকে মুঠ ১ কোটি ১৯ লাখ ৯০ হাজাৰ ৮৫৯ গৰাকী লোকে কৰ’নাৰ পৰা আৰোগ্য লাভ কৰিছে।
ইপিনে, দেশত এতিয়ালৈকে মুঠ ৯কোটি ৮০ লাখ ৭৫ হাজাৰ ১৬০ গৰাকী লোকে ভেকচিন লাভ কৰিছে।
বৃহস্পতিবাৰে কৰ’না পৰিস্থিতি মোকাবিলাৰ বিষয়টো লৈ ৰাজ্যসমূহৰ মুখ্যমন্ত্ৰীসকলৰ সৈতে বৈঠকত বহে প্ৰধানমন্ত্ৰী নৰেন্দ্ৰ মোদী।
প্ৰধানমন্ত্ৰী মোদীয়ে সম্পূৰ্ণ লকডাউনৰ কথা চিন্তা কৰা নাই যদিও কৰ’নাৰ সংহাৰ ৰোধ কৰাৰ বাবে মুখ্যমন্ত্ৰীসকলক মাইক্ৰ’ কণ্টেইমেণ্ট জ’ন বৃদ্ধি কৰাৰ পৰামৰ্শ দিছে।
