আজি প্ৰধানমন্ত্ৰী নৰেন্দ্ৰ মোদীয়ে ৰাছিয়াৰ ৰাষ্ট্ৰপতি ভ্লাদিমিৰ পুটিনৰ সৈতে ফোনত বহু সময় ধৰি আলোচনা কৰে। মোদীয়ে শীঘ্ৰে যুদ্ধৰ অৱসান ঘটাবলৈ পুটিনক অনুৰোধ জনায় বুলি জানিব পৰা গৈছে।
প্ৰধানমন্ত্ৰী মোদীয়ে ইউক্ৰেইনৰ ৰাষ্ট্ৰপতি জেলেনস্কিৰ সৈতেও পোনপটীয়া আলোচনা কৰিবলৈ পুটিনক আহ্বান জনায়। প্ৰধানমন্ত্ৰী মোদীয়ে চুমিকে ধৰি ইউক্ৰেইনৰ কিছু অংশত যুদ্ধবিৰতি ঘোষণা আৰু মানৱীয় কৰিডৰ স্থাপনৰ ঘোষণাক প্ৰশংসা কৰে।
ইউক্ৰেইনত ৰাছিয়াই চলোৱা আক্ৰমণত উদ্বিগ্ন হৈ পৰিছে প্ৰধানমন্ত্ৰী নৰেন্দ্ৰ মোদী।
যুদ্ধ বিধ্বস্ত দেশ খনত আবদ্ধ হৈ পৰা ভাৰতীয় লোকসকল উদ্ধাৰ কৰাৰ বাবে মোদীয়ে কেইবাখনো উচ্চস্তৰীয় বৈঠকত মিলিত হৈছে। বৈঠকত ইউক্ৰেইনৰ পৰিস্থিতি সন্দৰ্ভত বিশদ ভাবে আলোচনা কৰা হয়।
প্ৰধানমন্ত্ৰী নৰেন্দ্ৰ মোদীয়ে যুদ্ধবিধ্বস্ত ইউক্ৰেইনৰ পৰিস্থিতি সন্দৰ্ভত আলোচনা কৰিবলৈ বৈঠকত অংশগ্ৰহণ কৰি আহিছে।