অসম বিধানসভা নিৰ্বাচনৰ পূৰ্বে সোমবাৰে (৩০ মাৰ্চ) ভাৰতীয় জনতা পাৰ্টিৰ বুথ পৰ্যায়ৰ কৰ্মীসকলৰ সৈতে মত বিনিময় কৰে প্ৰধানমন্ত্ৰী নৰেন্দ্ৰ মোদীয়ে। অসমত বিজেপি-এনডিএৰ বিজয়ৰ হেট্ৰিকৰ বাবে তেওঁলোকে কঠোৰ পৰিশ্ৰম কৰি আছে বুলিও তেওঁ কৰ্মীসকলক জনায়।
বিৰোধী দলসমূহক আক্ৰমণ কৰি প্ৰধানমন্ত্ৰী মোদীয়ে কয় যে অনুপ্ৰৱেশৰ বিষয়টো অসমৰ পৰিচয় আৰু নিৰাপত্তাৰ সৈতে জড়িত।
দলৰ বুথ পৰ্যায়ৰ কৰ্মীসকলৰ সৈতে হোৱা মত বিনিময়ৰ সময়ত প্ৰধানমন্ত্ৰীয়ে কয় যে, “অসমত বিজেপি-এনডিএৰ শক্তিশালী সমৰ্থনৰ ভিত্তি আছে। কিন্তু মই এই সন্দৰ্ভত আপোনালোকৰ মতামত জানিব বিচাৰো।”
প্ৰধানমন্ত্ৰী মোদীয়ে কয় যে অসমত দীৰ্ঘদিন ধৰি অস্থিৰতাৰ সময়ছোৱা দেখা গৈছে যদিও যোৱা দশকত পৰিস্থিতি সলনি হৈছে।
প্রধানমন্ত্রী মোদীয়ে কয় যে প্রথমবাৰৰ ভোটদাতাসকলক অসমৰ পূর্বৰ কংগ্রেছ চৰকাৰৰ যুগৰ কথা সোঁৱৰাই দিয়াৰ প্রয়োজন৷ তেওঁ কয় যে এটা সৰু ভুলেও ৰাজ্যখনক পিছুৱাই নিব পাৰে।
মোদীয়ে কয় যে ৰাজ্যখনৰ উন্নয়নৰ বাবে শান্তি এক প্ৰাথমিক প্ৰয়োজনীয়তা। লগতে অসম বিধানসভা নিৰ্বাচনৰ সময়ত কৃত্ৰিম বুদ্ধিমত্তাৰ (AI)ৰ দ্বাৰা সৃষ্টি হোৱা ভিডিঅ’ৰ বিষয়ে মানুহক সজাগ কৰিবলৈ বিজেপি কৰ্মীসকলক আহ্বান জনায়।
প্ৰধানমন্ত্ৰী মোদীয়ে লগতে কয় যে কংগ্ৰেছৰ শাসনকালত উগ্ৰপন্থী আৰু ছাত্ৰ সংগঠনৰ সৈতে হোৱা চুক্তি অসাৰ আছিল। বিৰোধীৰ ওপৰত তীব্ৰ আক্ৰমণ কৰি প্ৰধানমন্ত্ৰীয়ে কয় যে কংগ্ৰেছে বড়ো সমস্যাক বিশ্বাসঘাতকতা কৰিছে। প্ৰধানমন্ত্ৰী মোদীয়ে কয়, “বিজেপিৰ ডাবল ইঞ্জিন চৰকাৰখন সমগ্ৰ ভাৰততে মহিলাৰ প্ৰথম পছন্দ…।”
প্ৰধানমন্ত্ৰী মোদীয়ে বিজেপি কৰ্মীসকলক কয় যে তেওঁলোকে বংগত চাহ বাগিচাৰ শ্ৰমিকসকলে সন্মুখীন হোৱা সমস্যাৰ বিষয়ে অসমীয়া ভোটাৰক অৱগত কৰিব লাগে। পশ্চিমবংগত আনকি কেন্দ্ৰীয় চৰকাৰৰ আঁচনিও বন্ধ হৈ পৰা বুলিও তেওঁ কয়।
প্ৰধানমন্ত্ৰীয়ে কয় যে যদি কোনোবাই পশ্চিম বংগ আৰু বিজেপি শাসিত ৰাজ্যৰ চাহ বাগিচাৰ পৰিস্থিতিৰ তুলনা কৰে তেন্তে “ডাবল ইঞ্জিন চৰকাৰ”ৰ গুৰুত্ব বুজিব পাৰিব। তেওঁ কয় অসমে ভোটদানৰ অভিলেখ ভংগ কৰিব, কিন্তু আমি বিজয়ৰ অভিলেখো ভংগ কৰিব লাগিব। তেওঁ লগতে কয় যে ইয়াক লাভ কৰিবলৈ আমি বুথ পৰ্যায়ত অভিলেখ গঢ়িব লাগিব। ৯ এপ্ৰিলত অসম বিধানসভাৰ ১২৬খন আসনৰ নিৰ্বাচন অনুষ্ঠিত হোৱাৰ লগতে ৪ মে’ত ভোটগণনা হ’ব।
