দেশৰ প্ৰধান মন্ত্ৰী নৰেন্দ্ৰ মোদীয়ে প্ৰথমটো কোভিড-১৯ৰ প্ৰতিষেধক গ্ৰহণ কৰিব লাগে।
বিহাৰৰ কংগ্ৰেছ নেতা অজিত শৰ্মাই প্ৰধান মন্ত্ৰী নৰেন্দ্ৰ মোদীয়ে প্ৰথমটো কোভিড-১৯ৰ প্ৰতিষেধক ছিটা গ্ৰহণ কৰিব লাগে বুলি মন্তব্য কৰে।
বিহাৰৰ কংগ্ৰেছ নেতা গৰাকীয়ে আমেৰিকা আৰু ৰাছিয়াৰ উদাহৰণ দাঙি ধৰি তেনেবোৰ দেশত ৰাষ্ট্ৰপ্ৰধান গৰাকীয়ে প্ৰথমতে কোভিড-১৯ প্ৰতিষেধক গ্ৰহণ কৰিছে বুলি উল্লেখ কৰি মোদীকো তেওঁলোকক অনুকৰণ কৰিবলৈ আহ্বান জনায়।
মানুহৰ মনত কোভিড-১৯ৰ প্ৰতিষেধক সম্বন্ধে থকা সন্দেহ আৰু অবিশ্বাস দূৰ কৰাৰ বাবেই প্ৰধান মন্ত্ৰী নৰেন্দ্ৰ মোদীয়ে প্ৰথমটো কোভিড-১৯ প্ৰতিষেধক গ্ৰহণ কৰি উদাহৰণ দাঙি ধৰিব লাগে বুলি কয়।
‘‘প্ৰধান মন্ত্ৰী নৰেন্দ্ৰ মোদী আৰু বিজেপিৰ জেষ্ঠ নেতা সকলে প্ৰথমে কোভিড-১৯ৰ প্ৰতিষেধক গ্ৰহণ কৰি দেশৰ জনসাধাৰণৰ বিশ্বাস আহৰণৰ চেষ্টা কৰিব লাগে,’’ বিহাৰৰ কংগ্ৰেছ নেতা গৰাকীয়ে লগতে কয়।
উল্লেখযোগ্য যে, ভাৰতত ইতিমধ্যে দুটা কোভিড প্ৰতিষেধকৰ জৰুৰী প্ৰয়োগৰ বাবে অনুমোদন জনোৱা হৈছে।
অক্সফোৰ্ড আৰু চেৰাম ইষ্টিটিউটৰ কোভিশ্বিল্ড আৰু ভাৰত বায়োটেকৰ কোভাক্সিনক ভাৰতত ব্যৱহাৰৰ বাবে অনুমতি দিয়া হৈছে।