সুদীৰ্ঘ আঠমাহযোৰা প্ৰতিক্ষাৰ অন্তত বিশ্ব পৰ্যটকৰ বাবে মুকলি কৰা হয় এশিঙীয়া গড়ৰ বিচৰণ ভূমি পবিতৰা অভয়াৰণ্য ।
এই উপলক্ষ্যে অনুষ্ঠিত এক অনুষ্ঠিনত আয়তীৰ উৰুলী ধ্বনীৰ মাজতে বনমন্ত্ৰী পৰিমল শুক্লবৈদ্যই ফিটা কাটি পৰ্যটকৰ বাবে পবিতৰাৰ দুৱাৰ মুকলি কৰে।
অসমৰ মুখ্য বনসংৰক্ষক অমৃত ছাহে উদ্বোধনী ভাষণ আগবঢ়োৱা অনুষ্ঠানত স্থানীয় বিধায়ক তথা ৰাজ্যিক স্বাস্থ্যমন্ত্ৰী পীয়ুষ হাজৰিকাই ভাষণ ৰাখি কয় যে কৰো’না মহামাৰীৰ পৰিপ্ৰেক্ষিতত ৰাজ্যৰ বিভিন্ন স্তৰৰ লগতে পৰ্যটন উদ্যোগতোও ব্যাপক ক্ষতিৰ সন্মোখিন হৈছিল।
সম্প্ৰতি এক সুষ্ঠ পৰিবেশ পৰিস্থিতিয়ে পুনৰ পৰ্যটন উদ্যোগটোলৈ এক আশাৰ সঞ্চাৰ কঢ়িয়াই আনিছে বুলি মত প্ৰকাশ কৰে ।
অনুষ্ঠানত অসম পৰ্যটন উন্নয়ণ নিগমৰ অধ্যক্ষ জয়ন্তমল্ল বৰুৱাই ভাষণ ৰাখি কয় যে অসমৰ প্ৰত্নতাত্বিক,বনবিভাগ আৰু পৰ্যটন বিভাগৰ সু সমন্বয়ৰ যোগেৰেহে পৰ্যটন উদ্যোগতো টনকিয়াল হোৱাত সহায়ক হ’ব।
তাৰবাবে জনসাধাৰণৰ সহায় সহযোগিতা একান্ত জৰুৰী বুলিও ভাষণ প্ৰসংগত অধ্যক্ষ গৰাকীয়ে এনেদৰে উল্লেখ কৰে।আনুষ্ঠানত মৰিগাঁও জিলা উপায়ুক্ত লীনা দাস,আৰক্ষী অধীক্ষক ড° নন্দসিং বৰকলা,ডি এফ অ’ জয়ন্ত ডেকা পি চি চি এফ এম এম সিং,মায়ঙৰ ৰজা তৰণী কান্ত সিংহ লগতে মায়ঙৰ স্থানীয় ৰাইজ উপস্থিত থাকে ।
আনহাতে কভিডসৃষ্ট পৰিবেশ,বানপানী,কা’বিৰোধ আন্দোলনকে ধৰি বিভিন্ন কাৰকৰ বাবে বিগত সময়ছোৱাত বন্ধ হৈ থকা অভয়াৰণ্যখনৰ দুৱাৰ আনুষ্ঠানিকভাৱে মুকলি কৰা কাৰ্যই উৎফুল্লিত কৰি তুলিছে যাদুৰ নগৰী মায়ংবাসীক ।
