চতিয়াৰ দলাপানীত সংঘটিত হৈছে এক মৰ্মান্তিক ঘটনা। ৬৯ নং নদুৱাৰ বিধানসভা সমষ্টিৰ ২৩০ নং ভোটগ্ৰহণ কেন্দ্ৰৰ ২য় পুলিং বিষয়াগৰাকীয়ে আকস্মিকভাৱে মৃত্যুক সাৱটি লয়।
পুৱা প্ৰায় ৭:৩০ মান বজাত দেবেন হ’ৰ’ নামৰ ৰঙাপৰাৰ সহঃ শিক্ষকগৰাকী ভোটগ্ৰহণ কেন্দ্ৰতে অসুস্থ হৈ পৰে।
সংকটজনক অৱস্থাত ভোটগ্ৰহণ কেন্দ্ৰৰ পৰা চিকিৎসালয়লৈ প্ৰেৰণ কৰে যদিও মৃত্যুক আকোঁৱালি লয় পুলিং বিষয়াগৰাকীয়ে।
বাতৰি অনুসৰি, পুৱা ভোটগ্ৰহণ কেন্দ্ৰতে অসুস্থ হৈ পৰিছিল দেৱেন হ’ৰ’। ততাতৈয়াকৈ চিকিৎসালয়ত নিয়া হয় যদিও চিকিৎসালয় নিয়াৰ পথতে মৃত্যু হয় বিষয়াগৰাকীৰ।
আজি অসম বিধানসভা নিৰ্বাচন ২০২৬ৰ ভোটগ্ৰহণ প্ৰক্ৰিয়া পুৱা ৭ বজাৰ পৰা আৰম্ভ হৈছে। পুৱা ৯-৩০বজালৈ ৰাজ্যত ভোটদানৰ হাৰ ১৭.৮৭ শতাংশ।
১২৬টা সমষ্টিত ৰাজ্যৰ ২ কোটি ৪৯ লাখ ৫৮ হাজাৰ ১৩৯গৰাকী ভোটাৰে ৭২২গৰাকী প্ৰাৰ্থীৰ ভাগ্য নিৰ্ণয় কৰিব।
