দুধনৈ বিধান সভা সমষ্টিত ফেক্টৰ হ’ব নেকি নিৰ্দলীয় প্ৰাৰ্থী তথা সদ্য প্ৰাক্তন বিধায়ক দীপক কুমাৰ ৰাভা ?
বিজেপি মিত্ৰজোঁটৰ প্ৰাৰ্থী শ্যামজিৎ ৰাভাৰ বিজয়ৰ অংকত আউল লগাব নেকি নিৰ্দলীয় প্ৰাৰ্থী দীপক কুমাৰ ৰাভা ?
সম্প্ৰতি নিৰ্দলীয় প্ৰাৰ্থী ৰাভাৰ তৎপৰতাই এনে প্ৰশ্নৰে উদ্ৰেক কৰিছে সমষ্টিটোৰ ভোটাৰ ৰাইজৰ মাজত ৷
শেহতীয়া ভাৱে সমষ্টিটোৰ বহু বিয়াগোম নেতাই নিৰ্দলীয় প্ৰাৰ্থী জনৰ হৈ প্ৰচাৰ চলোৱাৰ বিপৰীতে ছাত্ৰ যুৱ সংগ্ৰাম সমিতি নামৰ সংগঠনটোও দীপক কুমাৰ ৰাভাৰ পক্ষত থিয় দিয়া পৰিলক্ষিত হৈছে ৷
আজি কৃষ্ণাইৰ বিদ্যাপাৰাত এক সংবাদ মেলৰ আয়োজন কৰি ছাত্ৰ যুৱ সংগ্ৰাম সমিতিৰ গোৱালপাৰা জিলা সমিতিয়ে ভোটাৰ ৰাইজক দীপক কুমাৰ ৰাভাক ভোট দিবলৈ মুকলি আহ্বান জনায় ৷
ইফালে দীপক কুমাৰ ৰাভাৰ উত্থানে আশাবাদী কৰি তুলিছে কংগ্ৰেছ শিবিৰক ৷
কংগ্ৰেছ মিত্ৰজোঁটৰ প্ৰাৰ্থী যাদৱ স্বৰ্গীয়াৰীৰ জয়ৰ পথ যেন অধিক মসৃন কৰি তুলিলে দীপক কুমাৰ ৰাভাৰ অগ্ৰগতিয়ে ৷
অৱশ্যে সমষ্টিটোত এইবেলি নিৰ্দলীয় প্ৰাৰ্থী দীপক কুমাৰ ৰাভাই দ্বিতীয় বাৰৰ বাবে বিধায়ক নিৰ্বাচিত হৈ নজিৰ প্ৰতিষ্ঠা কৰাৰ সম্ভাৱনাও নুই কৰা নাই তেওঁৰ সমৰ্থক সকলে ৷