তিৱা স্বায়ত্ত শাসিত পৰিষদীয় নিৰ্বাচনক লৈ মৰিগাঁও জিলা উপায়ুক্তৰ সংবাদমেল

আগন্তুক ১৭ ডিচেম্বৰত অনুষ্ঠিত হ’বলগীয়া তিৱা স্বায়ত্ত পৰিষদৰ নিৰ্বাচনৰ বাবে মৰিগাঁওজিলা উপায়ুক্ত লীনা দাসে নিৰ্বাচনৰ প্ৰস্তুতিৰ সম্পৰ্কে আজি এখন সংবাদমেল আয়োজন কৰে।

উপায়ুক্তৰ সভা কক্ষত আয়োজিত সংবাদমেলত সাংবাদিকক সম্বোধি উপায়ুক্তগৰাকীয়ে উল্লেখ কৰে যে ৩৬টা সংসদীয় সমষ্টিৰ ভিতৰত জিলাখনৰ ১৯টা সমষ্টিত মুঠ ১৮৭ টা কেন্দ্ৰত ভোটকেন্দ্ৰ অনুষ্ঠিত হ’ব ।

ইয়াৰে ১টা সমষ্টিৰ প্ৰাৰ্থী বিনা প্ৰতিদ্বন্দ্বিতাৰে জয়ী হৈছে।

বাকী ১৮ টা সমষ্টিৰ পৰিষদীয় নিৰ্বাচনৰ মুঠ ভোটাৰৰ সংখ্যা ১৪৩৬৫৫ জন।তাৰে পুৰুষ ভোটাৰ হ’ল ৭২৪৬০ আৰু মহিলা ভোটাৰৰ সংখ্যা হ’ল ৭১১৯৪ গৰাকী।

ইয়াৰে এগৰাকী তৃতীয় লিঙ্গৰ ভোটাৰ আছে ।ইফালে,নিৰ্বাচনৰ বাবে ২৩০টা ডাঙৰ বেলট বাকছ আৰু ৪০টা মজলীয়া বাকচ সাজু কৰি তুলাৰ বিষয়েও উপায়ুক্তগৰাকীয়ে জানিবলৈ দিয়ে।

পুৱা ৭:৩০ ৰ পৰা ৪:৩০লৈ ভোটদান প্ৰক্ৰিয়াত ১৮০খন গাড়ী ব্যৱহাৰ কৰাৰ উপৰি নিৰ্বাচনত counting supervisior ৬৩জন,সহ৬৩ মাইক্ৰ এডভাইজাৰ ৬৩জন,অতিৰিক্ত হিচাপে ২০জন,Transit officer ২০জন,complitation officer assist. সহ ১১জনকৈ,sealing officer ১১জনৰ লগতে ১৪৭গৰাকী আশাকৰ্মীক নিয়োগ কৰা হ’ব বুলিও সংবাদমেলত সদৰী কৰি উপায়ুক্তগৰাকীয়ে লগতে সম্পূৰ্ণ ক’ভিড প্ৰট’কল অনুসৰি চেনিটাইজাৰ মাস্ক,আদিৰ ৱ্যৱস্থা গ্ৰহণ কৰাৰ বিষয়ে স্পষ্ট কৰে।

তেনেদৰে মৰিগাঁও মহাবিদ্যালয়ত হ’বলগীয়া ভোটগণনাৰ ক্ষেত্ৰতো উপায়ুক্তগৰাকীয়ে কয় যে,৯টা হলত মুঠ৫৩খন টেবুলত চলিব গণনা।

ইয়াৰে ৫৩ (counting Micro Observer)থাকিব।মুঠ ৩১৩গৰাকী বিষয়াই তদাৰক কৰিব।আনহাতে আইন শৃংখলা জনিত ব্যৱস্থাৰ সম্পৰ্কত সংবাদ মেলত উপস্থিত থকা ড° নন্দসিং বৰকলাই কয় যে ইতিমধ্যে পৰিষদীয় নিৰ্বাচনকলৈ আৰক্ষী প্ৰশাসনেও নিৰ্বাচনটো সুচাৰূপে পালন কৰিবলৈ কটকটীয়া নিৰাপত্তা ব্যৱস্থা গ্ৰহণ কৰা বুলি উল্লেখ কৰে।

সংবাদমেলত ৰুমী বৰুৱা,(এডিচি),দেৱযানী চৌধূৰী(এডিচি),সঞ্জীৱ কুমাৰ শৰ্মা(এডিচি)ৰ লগতে জিলা জনসংযোগ বিষয়া সুনীতি নাৰ্জাৰী আৰু মৰিগাঁও জিলাৰ বিভিন্ন প্ৰান্তৰ সাংবাদিক সকল উপস্থিত থাকে।

উল্লেখৰ আৱশ্যক যে নিৰ্বাচনটোত ভোটাৰ ৰাইজক শান্তি সম্প্ৰীতি অটুত ৰখাই সকলোকে মাস্ক পৰিধান কৰি নিৰ্বাচনো সুচাৰু অংশ লবলৈ জিলা প্ৰশাসন তথা আৰক্ষী প্ৰশাসনে ৰাইজলৈ আহ্বান জনায়।