যুদ্ধবিধস্ত ইউক্ৰেইনত থকা শিক্ষাৰ্থীসহ ভাৰতীয় নাগৰিকসকলৰ বাবে এক নতুন পৰামৰ্শ জাৰি কৰিছে কিয়েভস্থিত ভাৰতীয় দূতাবাসে।
ভাৰতীয় নাগৰিক সকলক ইউক্ৰেইনৰ পৰা স্থানান্তৰিত কৰাৰ লক্ষ্যৰে চৰকাৰে ৰোমানিয়া আৰু হাংগেৰীৰ মাজেৰে পথ নিৰ্ধাৰণৰ কাম কৰি আছে বুলি দূতাবাসে জানিবলৈ দিয়ে।
দূতাবাসে লগতে ভাৰতীয় নাগৰিকসকলক ভ্ৰমণৰ সময়ত ভাৰতীয় পতাকা ছপা কৰি বাহনত লগা ল’বলৈও পৰামৰ্শ দিছে।
Important Advisory to all Indian Nationals/Students in Ukraine as on 25 February 2022.@MEAIndia @PIB_India @DDNewslive @PIBHindi @DDNational @IndianDiplomacy @PMOIndia pic.twitter.com/79124Ks0Sm
— India in Ukraine (@IndiainUkraine) February 25, 2022
“উঝোৰোডৰ ওচৰৰ চ’প-জাহোনি হাংগেৰী সীমান্তৰ ওচৰত বাস কৰা শিক্ষাৰ্থীসকল আৰু চেৰনিভটচিৰ ওচৰৰ পোৰুবনে-চিৰেট ৰোমানিয়ান সীমান্তৰ ওচৰত বাস কৰা শিক্ষাৰ্থীসকলে বৈদেশিক পৰিক্ৰমা মন্ত্ৰালয়ৰ দলৰ সৈতে সমন্বয় ৰক্ষা কৰি প্ৰথমে প্ৰস্থান কৰিব।” এক বিবৃতিত দূতাবাসে কয়।
The first batch of Indian students have left Chernivtsi for the Ukraine-Romania border
MEA Camp Offices are now operational in Lviv and Chernivtsi towns in western Ukraine. Additional Russian speaking officials are being sent to these Camp Offices. pic.twitter.com/OvRlqA8Q4t
— ANI (@ANI) February 25, 2022
উল্লেখ্য যে ইউক্ৰেইনত প্ৰায় ১৬,০০০ ভাৰতীয় নাগৰিক আছে আৰু ইয়াৰে অধিকাংশই শিক্ষাৰ্থী বুলি জানিব পৰা গৈছে।
শেহতীয়াকৈ যুদ্ধময় ইউক্ৰেইনৰ পৰা প্ৰাণৰক্ষাৰ তাগিদাত ৪০ জন ভাৰতীয় শিক্ষাৰ্থীয়ে ৮ কিলোমিটাৰ খোজকাঢ়ি পোলেণ্ড সীমান্ত অভিমুখী হোৱাৰ খবৰ পোৱা গৈছে।
ভাৰতৰ বৈদেশিক পৰিক্ৰমা মন্ত্ৰালয়ে পশ্চিম ইউক্ৰেইনৰ লভিভ আৰু চেৰনিভটচিত ভাৰতীয় সকলৰ সহায়ৰ অৰ্থে শিবিৰ স্থাপন কৰিছে।
পোলেণ্ড অভিমুখী শিক্ষাৰ্থীসকলক সহায়ৰ বাবে বৈদেশিক মন্ত্ৰালয়ে এই শিবিৰসমূলৈ ৰাছিয়ান ভাষী বিষয়া প্ৰেৰণ কৰিছে বুলি সদৰি কৰা হৈছে।