বিজেপি নেতাৰ বিৰুদ্ধে উঠিছে ভয়ংকৰ অভিযোগ। PSO ৰ বন্দুক কাঢ়ি বিজেপিৰ EM এ গুলীয়ালে গাওঁবাসীক! সভাই সভাই খিলঞ্জীয়াৰ ভূমি ৰক্ষাৰ লানি নিচিঙা ভাষণ দিয়ে মুখ্যমন্ত্ৰীয়ে। মিছন বসুন্ধৰাৰে খিলঞ্জীয়াক ভূমি অধিকাৰ দিয়াৰ আস্ফালন মুখ্যমন্ত্ৰীৰ! ইয়াৰ বিপৰীতে নিজ দলৰ দলীয় নেতাই ওলোটাই উঠি পৰি লাগিছে খিলঞ্জীয়াক নিজ ভূমিৰ পৰা উচ্ছেদ কৰিবলৈ। ডিমা হাচাও স্বায়ত্ত শাসিত পৰিষদৰ CEM দেৱলাল গাৰ্লোচাৰ দৌৰত্মত অতিষ্ঠ হৈ পৰিছে ডিমাহাচাওৰ জনতা।
বহিৰাগত কোম্পানীক ৰঙা দলিছা পাৰি ভয় ভাবুকিৰে স্থানীয় ৰাইজক ভূমিহীন কৰাৰ অপচেষ্টা দেৱলাল বাহিনীৰ। ডিমা হাছাওৰ উমৰাংচুত চিমেণ্ট কাৰখানা স্থাপনৰ বাবে আদানীক পাৰি দিছে ৰঙা দলিচা। বিমানবন্দৰৰ পিছত এইবাৰ ৯০০০ বিঘা মাটি দিবলৈ ওলাইছে চৰকাৰে। উমৰাংছ’ৰ ৯০০০ বিঘা মাটি আদানীক দিব অসম চৰকাৰ।
বিজেপি নেতা মনজিৎ নাইদিঙৰ গুণ্ডাগিৰীৰ বিৰুদ্ধে এজাহাৰ ভুক্তভোগীৰ। ডিমহাচাওৰ হাফলংত সংগঠিত হৈছে এক ভয়ংকৰ ঘটনা।অভিযোগ অনুসৰি উত্তৰ কাছাৰ পাৰ্বত্য স্বায়ত্ব শাসিত পৰিষদৰ কাৰ্য্যবাহী সদস্য তথা বিজেপি নেতা মনজিৎ নাইদিঙে PSO ৰ বন্দুক কাঢ়ি গুলিয়ালে গাঁওবাসীক।
এইখন হৈছে ডিমাহাছাও স্বায়ত্ব শাসিত পৰিষদৰ EM তথা BJP নেতা মনজিৎ নাইডিঙৰ বিৰুদ্ধে এখন গাঁওৰ ৰাইজে দাখিল কৰা এজাহাৰ। অভিযোগ অতি গুৰুতৰ। এজাহাৰ অনুসৰি BJPৰ EM গৰাকীয়ে এক্সাভেটৰ লৈ এখন গাঁৱত প্ৰৱেশ কৰি অবৈধ ভাৱে মাটি দখলৰ চেষ্টা চলাইছিল । অভিযোগ অনুসৰি উক্ত গাঁওৰ মাটি খিনি কোনো বহিৰাগত কোম্পানীক গটোৱাৰ পৰিকল্পনা কৰা হৈছে। ইয়াৰে প্ৰতিবাদত EM নাইডিঙক বাধা দিবলৈ ওলাই আহিছিল স্থানীয় ৰাইজ। ৰাইজৰ বাধাক প্ৰতিহত কৰিবলৈ BJP নেতা তথা EM গৰাকীয়ে নিজৰ PSOৰ বন্দুক লৈ গুলিচালনা কৰে। কেৱল সিমানেই নহয় নাইডিঙে লৈ যায় গাঁওবাসীৰ মোবাইলৰ লগতে বহুকেইটা নথিপত্ৰও।
এই ঘটনাৰ বিৰুদ্ধে ৰাইজে ৩১ অক্টোবৰৰ দিনা জিলা খনৰ আৰক্ষী অধীক্ষক এইখন এজাহাৰ দাখিল কৰিছে। বিজেপি নেতা মনজিৎ নাইডিঙক উপযুক্ত শাস্তি প্ৰদানৰ দাবী জনাইছে ভুক্তভোগী ৰাইজে।
এতিয়া প্ৰশ্ন হয় যে মুখ্যমন্ত্ৰীয়ে খিলঞ্জীয়াৰ ভূমি ৰক্ষাৰ প্ৰতিশ্ৰুতি প্ৰদান কৰি অহাৰ সময়তেই স্বয়ং বিজেপিৰে এগৰাকী জনপ্ৰতিনিধিৰ এই কাৰ্য্যৰ বিৰুদ্ধে ভুক্তভোগী ৰাইজক ন্যায় দিব পাৰিবনে? দেৱলাল বাহিনীৰ এই দৌৰত্মক নাকি লগাই ডিমাহাছাওৰ খিলঞ্জীয়াৰ ভূমি ৰক্ষা কৰিব পাৰিবনে মুখ্যমন্ত্ৰীয়ে? আৰক্ষী প্ৰশাসনে এই গৰাকী EM ৰ বিৰুদ্ধে গোচৰ ৰুজো কৰি দাদাগীৰি আৰু দম্ভালিক নাকি লগাব পাৰে নে নোৱাৰে সেইয়াহে পৰৱৰ্তী সময়ত লক্ষণীয় হ’ব।
