মিজোৰামত জব্দ ১৪০ বিদেশী জন্তু: তিনি সৰবৰাহকাৰীক গ্ৰেপ্তাৰ

বন্য জন্তুৰ অবৈধ সৰবৰাহ চক্ৰৰ বিৰুদ্ধে আজি এক অভিযান চলাই বৃহৎ সফলতা লাভ কৰিছে মিজোৰাম আৰক্ষীয়ে। মিজোৰাম আৰক্ষীৰ এই অভিযানত আজি উদ্ধাৰ হৈছে বিদেশী জন্তু আলবিনো ৱালাবিকে ধৰি প্ৰায় ১৪০ টা বিদেশী বন্যপ্ৰাণী প্ৰজাতি।

মিজোৰাম আৰক্ষীয়ে এই বৃহৎ সংখ্যক বিদেশী বন্যজন্তুৰ সৰবৰাহত জড়িত তিনিগৰাকী লোককো গ্ৰেপ্তাৰ কৰিছে।

আৰক্ষীৰ সূত্ৰ অনুসৰি, এই বিদেশী জন্তুসমূহ চুবুৰীয়া ৰাষ্ট্ৰ ম্যানমাৰৰ পৰা চোৰাংকৈ অনা হৈছিল। এই চক্ৰটোত দুয়োখন ৰাষ্ট্ৰৰ চোৰাং ব্যৱসায়ী জড়িত আছিল বুলি আৰক্ষীয়ে প্ৰকাশ কৰিছে।

Mizoram | In a joint operation Champhai police of Mizoram & Champhai Excise & Narcotics Dept rescued & seized 140 exotic animals & birds, suspected to be smuggled from Myanmar were handed over to Superintendent, Custom Preventive Force, Champhai for further action: Mizoram police pic.twitter.com/T2JUS1N54R

— ANI (@ANI) October 15, 2022

মিজোৰামৰ চম্ফাই আৰক্ষী, আবকাৰী বিভাগ আৰু নাৰ্কোটিক্স বিভাগৰ যুটীয়া অভিযানত দুখন বোলেৰ’ আৰু এখন স্ক’ৰপিঅ’ বাহন জব্দ কৰে।

বাহনকেইখনত থকা বিদেশী জন্তুসমূহৰ ভিতৰত আছিল ৩০ টা কাছ, দুটা বান্দৰ, দুটা মাৰ্মোছেট বান্দৰ, ২২ টা অজগৰ, ১৮ টা ‘সুমাত্ৰান ৱাটাৰ মনিটৰ’, ৫৫ টা ঘৰিয়াল পোৱালি সহ আন কিছু বিদেশী জন্তু।

এই বিদেশী জন্তুসমূহৰ লগতে বাহন কেইখন জব্দ কৰি ধৃত তিনি চোৰাং ব্যৱসায়ীক পৰৱৰ্তী আইনী প্ৰক্ৰিয়াৰ বাবে চম্ফাইৰ কাষ্টম প্ৰিভেণ্টিভ ফ’ৰ্চৰ  অধীক্ষকৰ হাতত গতাই দিয়া হয়।