কংগ্ৰেছ নেতা ৰাহুল গান্ধীয়ে লোকসভাত বিৰোধী দলৰ নেতা হোৱাৰ পিছত প্ৰথমবাৰৰ বাবে আমেৰিকা ভ্ৰমণ কৰিছে। তেওঁ আমেৰিকাৰ ডালাছৰ টেক্সাছ বিশ্ববিদ্যালয়ত এক সাক্ষাৎকাৰৰ সময়ত ভাৰত জোড়ো যাত্ৰাৰ বিষয়ে কয়। যাত্ৰা সন্দৰ্ভত ৰাহুল গান্ধীয়ে কয়, ভাৰত জোড়ো যাত্ৰাই মোক আৰু দেশৰ ৰাজনীতিক সলনি কৰি দিলে।
৮ ছেপ্টেম্বৰত ৰাহুল গান্ধীয়ে আমেৰিকাত উপস্থিত হয় আৰু ১০ ছেপ্টেম্বৰলৈকে ভ্ৰমণত থাকিব। এই সময়ছোৱাত কংগ্ৰেছ নেতাগৰাকীয়ে ছাত্ৰ-ছাত্ৰী, সাংবাদিক, উদ্যোগপতিকে ধৰি বহু লোকৰ সৈতে কথা বতৰা পাতিব।
ৰাহুল গান্ধীক সাক্ষাৎকাৰৰ সময়ত ভাৰত জোড়ো যাত্ৰা সন্দৰ্ভত এটা প্ৰশ্ন কৰা হৈছিল, আপুনি ৪ হাজাৰ কিলোমিটাৰ কেনেকৈ যাত্ৰা কৰিলে? যাৰ উত্তৰত তেওঁ কয়, প্ৰথমে জনাটো গুৰুত্বপূৰ্ণ যে মই কিয় এই যাত্ৰা আৰম্ভ কৰিলোঁ? ৰাহুল গান্ধীয়ে কয়, মই ভাৰত জোড়ো যাত্ৰা আৰম্ভ কৰিলোঁ কাৰণ যোগাযোগৰ প্ৰতিটো মাধ্যম বন্ধ কৰি দিয়া হৈছিল, সংসদ, সংবাদ মাধ্যম, আমি আইনী ব্যৱস্থালৈ নথি-পত্ৰ লৈ গৈছিলো, একো হোৱা নাছিল।
লগতে পঢ়কঃ আকৌ কৰ’নাৰ আতংক! ভাইৰাছৰ নতুন ভেৰিয়েন্টে বৃদ্ধি কৰিছে সংক্ৰমণ, উদ্বিগ্ন বিজ্ঞানীমহল
ৰাহুল গান্ধীয়ে কয়, আমি বহুদিন ধৰি কেনেকৈ কথা পাতিম বুজিবই পৰা নাছিলো। তেতিয়া আমি ভাবিলোঁ যে যদি সংবাদ মাধ্যমে আপোনাক ৰাইজৰ ওচৰলৈ লৈ যোৱা নাই, যদি প্ৰতিষ্ঠানিক ব্যৱস্থাই আপোনাক ৰাইজৰ মাজলৈ লৈ যোৱা নাই, সেয়ে আমি প্ৰত্যক্ষভাৱে যোৱাৰ সিদ্ধান্ত লৈছিলো।
ৰাহুল গান্ধীয়ে কয় যে আমি যেতিয়া ভাৰত জোড়ো যাত্ৰা আৰম্ভ কৰিছিলো তেতিয়া মোৰ আঁঠুৰ বিষ হৈছিল আৰু ৩-৪ দিনৰ ভিতৰত মই অনুভৱ কৰিছিলো মই এয়া কি কৰিলো। তেওঁ কয়, আপুনি ৰাতিপুৱা সাৰ পাই ভাবিছে যে আজি আপোনাৰ ১০ কিলোমিটাৰ খোজ কাঢ়িব লাগিব, কিন্তু আপুনি ভাবিছে যে আপুনি ৪ হাজাৰ কিলোমিটাৰ খোজ কাঢ়িব লাগিব। দুইটা কথাৰ মাজত বহুত পাৰ্থক্য আছে। তেওঁ ক’লে, কিন্তু এই যাত্ৰা মোৰ বাবে কঠিন নাছিল।
ভাৰতৰ বিৰোধী নেতা ৰাহুল গান্ধীয়ে কয়, ভাৰত জোড়ো যাত্ৰাই মোৰ কামৰ চিন্তাধাৰা সলনি কৰি দিছে। তেওঁ লগতে কয় যে এই যাত্ৰাই ৰাজনীতিৰ প্ৰতি মোৰ দৃষ্টিভংগী সলনি কৰি দিছে। ই মোৰ দেশবাসীক চোৱাৰ ধৰণ সলনি কৰিছে, তেওঁলোকৰ লগত মোৰ যোগাযোগৰ ধৰণ সলনি কৰিছে, মানুহৰ কথা শুনা ধৰণো সলনি কৰিছে। ৰাহুল গান্ধীৰ মতে এই সকলোবোৰ পৰিৱৰ্তন কেৱল মোৰ মাজতেই নহয়, যাত্ৰাত অংশগ্ৰহণ কৰা সকলো লোকৰ মাজতো আহিছে।
লগতে পঢ়কঃ শৰীৰত পানীৰ অভাৱৰ ৫টা লক্ষণ; এইবোৰ আওকাণ কৰিলেই বৃদ্ধি পায় হাৰ্ট এটেকৰ সম্ভাৱনা!
ৰাহুল গান্ধীয়ে তেওঁৰ ভ্ৰমণৰ সময়তে “মোহব্বত কি দুকান”ৰ কথা উল্লেখ কৰিছিল। সেই দিশলৈ আঙুলিয়াই দি তেওঁ কয় যে এটা কথা যিটো আমি পৰিকল্পনা কৰা নাছিলো, এই ভ্ৰমণৰ আটাইতকৈ শক্তিশালী কথাটো আছিল ৰাজনীতিত প্ৰেম। তেওঁ কয়, কেৱল ভাৰততে নহয় আনকি বিদেশতো প্ৰেম শব্দটো আজিলৈকে ৰাজনীতিত কেতিয়াও ব্যৱহাৰ হোৱা নাছিল। ৰাজনীতিত কেৱল ঘৃণা, খং, অন্যায়, দুৰ্নীতি আদি শব্দহে পোৱা যাব, কিন্তু ‘প্ৰেম’ শব্দটো খুব কমেইহে ব্যৱহাৰ কৰা হৈছিল।
ৰাহুলে লগতে কয়, ভাৰত জোড়ো যাত্ৰাই ভাৰতীয় ৰাজনীতিক সলনি কৰি ৰাজনীতিত প্ৰেমক অন্তৰ্ভুক্ত কৰিলে, আৰু এই ধাৰণাটোৱে কিমান ভালদৰে কাম কৰিলে তাক লৈ মই আচৰিত হৈছো।
