ত্ৰিপুৰাৰ চাৰিগৰাকী বিদ্ৰোহী বিজেপিৰ বিধায়কে মঙলবাৰে নিশা নতুন দিল্লীত বিজেপিৰ অধ্যক্ষ জে পি নড্ডাক সাক্ষাৎ কৰে।
জে পি নড্ডাক সাক্ষাৎ কৰাৰ পাছতে বিজেপি বিধায়ক ৰামপ্ৰসাদ পলে টেলিফোনযোগে তেওঁলোক বিদ্ৰোহী বিধায়ক নহয় বুলি মন্তব্য কৰে।
ৰামপ্ৰসাদে টেলিফোনযোগে তেওঁলোকে দিল্লীলৈ ত্ৰিপুৰাত সাংগঠনিক কাম-কাজ সম্পৰ্কে বিজেপি অধ্যক্ষকক অৱগত কৰাৰ উদ্দেশ্যে আহিছে বুলি লগতে কয়।
ৰামপ্ৰসাদে পুনৰ কয় যে, তেওঁলোকে নড্ডাৰ সৈতে প্ৰায় এঘন্টা সময় জুৰি বৈঠকত অংশগ্ৰহণ কৰে আৰু ৰাষ্ট্ৰীয় অধ্যক্ষ গৰাকীয়ে তেওঁলোকক সমগ্ৰ বিষয় সন্দৰ্ভত নিৰীক্ষণৰ আশ্বাস দিয়ে।
‘‘দলৰ নীতি-নিৰ্দেশনা মানি চলাৰ বাবেই আৰু সমৰ্থনৰ বাবে আমাৰ এই কণ্ঠ। যিসকলে বিজেপিৰ নীতিৰ বিৰুদ্ধে গৈ নিজকে দলৰ উৰ্দ্ধত বুলি ভাবিবলৈ আৰম্ভ কৰিছে তেওঁলোকৰ বিৰুদ্ধে আমি একত্ৰিত,’’ ৰামপ্ৰসাদ পলৰ মন্তব্য।
ৰামপ্ৰসাদ পলৰ লগতে মঙলবাৰে নিশা জে পি নড্ডাক সাক্ষাৎ কৰা অন্যান্য বিজেপি বিধায়ক সকল হৈছে ক্ৰমে পৰিমল দেৱবাৰ্মা, সুশান্ত চৌধুৰী আৰু আশিস সাহা।
সূত্ৰৰ পৰা জানিব পৰা মতে, ত্ৰিপুৰাৰ একাংশ বিজেপি বিধায়কে বিপ্লৱ কুমাৰ দেৱক মুখ্য মন্ত্ৰী হিচাপে বিচৰা নায়।