আৰ এছ এছৰ নেতা মোহন ভাগৱতে কয় যে দেশৰ একাংশ লোকে হঠাতে নিজকে হিন্দু সম্প্ৰদায়ৰ নেতা হিচাপে প্ৰক্ষেপ কৰিবলৈ আৰম্ভ কৰিছে। এই স্বঘোষিত নেতাসকলৰ বিষয়ে দেশবাসীক সতৰ্ক কৰি দিছে ভাগৱতে।
পুনেত ৰাষ্ট্ৰীয় স্বয়ং সেৱক সংঘৰ এক অনুষ্ঠানত ভাষণ দি ভাগৱতে কয় যে অযোধ্যাত ৰাম মন্দিৰ প্ৰতিষ্ঠা হোৱাৰ পিছত দেশজুৰি একাংশ লোকে মছজিদৰ তলত মন্দিৰ বিচাৰিবলৈ আৰম্ভ কৰিছে। এই কামটো অতি গৰ্হিত আৰু সম্প্ৰীতি বিৰোধী। দেশৰ ধৰ্মীয় সম্প্ৰীতি ৰক্ষাৰ আহ্বান জনাই ভাগৱতে কয় যে মোগল সম্ৰাট ঔৰংজেবে যেনেকৈ ধৰ্মীয় সম্প্ৰীতিৰ বহু ক্ষতি কৰিছিল, তেনেকৈ বাহাদুৰ শ্বাহ জাফৰে আকৌ ১৮৫৭ চনত দেশত গোহত্যা নিষিদ্ধ কৰিছিল।
উল্লেখ্য যে ২০১৯-১ চনৰ ৯ নৱেম্বৰত অযোধ্যা গোচৰত উচ্চতম ন্যায়ালয়ে ৰাম মন্দিৰ নিৰ্মাণৰ বাবে বিবাদিত ভূমি আবণ্টন দিয়াৰ পিছত মোহন ভাগৱতে মন্দিৰ-মছজিদ বিবাদত আৰ এছ এছ আৰু জড়িত নহ’ব বুলি ঘোষণা কৰিছিল। সংঘই বিশেষ কাৰণত ৰাম মন্দিৰ আন্দোলনত অংশ লৈছিল।
লগতে পঢ়কঃ ট্ৰাকৰ সংঘৰ্ষ, জয়পুৰৰ পেট্ৰল পাম্পত প্ৰচণ্ড বিস্ফোৰণ; কমেও ৫ জনৰ মৃত্যু, আহত ৩০ জন
দেখা গৈছে যে তাৰপিছতো দেশৰ কেইবাটাও স্থানত হিন্দুত্ববাদীসকলে হিন্দু মন্দিৰ বুলি দাবী কৰি কিছুমান মছজিদ আঁতৰাবলৈ দাবী জনাইছে। গোচৰৰ পৰিপ্ৰেক্ষিতত কেইবাখনো আদালতে মছজিদৰ জৰীপৰ নিৰ্দেশ দিছে। সেই তালিকাত বাৰাণসীৰ জ্ঞানবাপি, মথুৰাৰ শ্বাহী ইডগাহ, সম্ভলৰ শ্বাহী মছজিদ আৰু ৰাজস্থানৰ আজমেৰ শ্বৰীফৰ দৰগাহ অন্তৰ্ভুক্ত।
ইটোৰ পিছত সিটো মছজিদক লৈ বিতৰ্ক আৰু আদালতৰ জৰীপৰ নিৰ্দেশক লৈ সৃষ্টি হোৱা অস্থিৰতাৰ পৰিপ্ৰেক্ষিতত শেহতীয়াকৈ উচ্চতম ন্যায়ালয়ে হস্তক্ষেপ কৰিছে। ১২ ডিচেম্বৰত উচ্চতম ন্যায়ালয়ৰ মুখ্য ন্যায়াধীশৰ বিচাৰপীঠে কয় যে আপাততঃ এনে কোনো গোচৰ আদালতে গ্ৰহণ কৰিব নোৱাৰে। বৰ্তমানৰ গোচৰৰ ৰায়দানো স্থগিত ৰখা হব।
পুনেৰ অনুষ্ঠানত সংঘৰ মুৰব্বীগৰাকীৰ ভাষণে ইয়াত এক নতুন মাত্ৰা সংযোজন কৰিলে। যদিও বহুতে ওলোটাই প্ৰশ্ন উত্থাপন কৰিছে যে ভাগৱতে ইমানদিনে কিয় মুখ খোলা নাছিল। আৰ এছ এছৰ সূত্ৰ অনুসৰি সংঘৰ মুৰব্বীগৰাকীয়ে আগতেই মছজিদৰ তলত মন্দিৰ বিচৰা অভিযানৰ বিৰুদ্ধে মাত মাতিছে। কিন্তু আৰ এছ এছে ইয়াৰ অনুমোদিত সংগঠনসমূহৰ কাম-কাজত হস্তক্ষেপ নকৰে। সংগঠনটোৰ অৱস্থানৰ বিষয়ে তেওঁলোকক মাত্ৰ অৱগতহে কৰা হয়।
লগতে পঢ়কঃ মৰ্মান্তিক ঘটনা! স্কুল মেলাত পদপিষ্ট হৈ ৩৫টা শিশুৰ মৃত্যু
মছজিদক মন্দিৰ বুলি দাবী কৰাৰ অভিযান সন্দৰ্ভত আৰ এছ এছৰ মুৰব্বীগৰাকীয়ে কয় যে, দেশৰ সংবিধানৰ শাসন আছে। কোনেও ইচ্ছামতে যিকোনো দাবী কৰিব নোৱাৰে। তেওঁ লগতে কয় যে ভাৰত যদি বিশ্বগুৰু হ’ব বিচাৰে তেন্তে ই সম্প্ৰীতি আৰু সহাৱস্থানৰ নিদৰ্শনো দাঙি ধৰিব লাগিব।
