প্ৰধানমন্ত্ৰী নৰেন্দ্ৰ মোদী প্ৰশাসনে মঙলবাৰে দেশৰ কেবিনেট কমিটিসমূহ পুনৰ্গঠন কৰে।
প্ৰধানমন্ত্ৰী নৰেন্দ্ৰ মোদীয়ে নেতৃত্ব দিয়া গুৰুত্বপূৰ্ণ ৰাজনৈতিক পৰিক্ৰমা বিষয়ৰ কেবিনেট কমিটি(চিচিপিএ)ত অন্তৰ্ভুক্ত কৰা হয় অসমৰ প্ৰাক্তন মুখ্যমন্ত্ৰী তথা বৰ্তমান কেন্দ্ৰীয় কেবিনেট মন্ত্ৰী সৰ্বানন্দ সোণোৱালক।
কমিটিখনৰ আন সদস্যসকল হ’ল কেন্দ্ৰীয় পৰিৱেশ আৰু শ্ৰম মন্ত্ৰী ভূপিন্দৰ যাদৱ, কেন্দ্ৰীয় মহিলা আৰু শিশু বিকাশ মন্ত্ৰী স্মৃতি ইৰাণী, কেন্দ্ৰীয় স্বাস্থ্যমন্ত্ৰী মনসুখ মন্দাভিয়া আৰু গ্ৰামোন্নয়ন মন্ত্ৰী গিৰিৰাজ সিঙ।
আনহাতে, নিৰাপত্তা বিষয়ৰ দেশৰ শীৰ্ষ সিদ্ধান্তকাৰী কমিটি সুৰক্ষা বিষয়ক কেবিনেট কমিটিখন অপৰিৱৰ্তিত ৰখা হৈছে।
প্ৰধানমন্ত্ৰী মোদী আৰু গৃহ তথা কোপাৰেশ্যন মন্ত্ৰী অমিত শ্বাহ থকা এই কমিটিখনত নতুন মন্ত্ৰীক অন্তৰ্ভুক্ত কৰা হোৱা নাই।