লকডাউনৰ মাজতে দেশৰ ভাঙি পৰা অৰ্থনীতিত প্ৰাণ সঞ্চাৰিত কৰাৰ উদ্দেশ্যে আগবাঢ়ি আহিছে দেশৰ বৃহত্তম ৰাষ্ট্ৰীয়কৃত বেংক এছ বি আই।
বৃহস্পতিবাৰে SBIয়ে গ্ৰাহকলৈ আগবঢ়াইছে এক অভূতপূৰ্ব অফাৰ।
লকডাউনৰ সময়ত তথা ইয়াৰ পৰৱৰ্তী সময়ত গ্ৰাহকৰ বাবে জৰুৰীকালীন ঋণৰ ব্যৱস্থা কৰিছে এছ বি আইয়ে।
‘SBI Emergency Loan Scheme’ নামৰ আঁচনিৰ অধীনত মাত্ৰ ৪৫ মিনিটতে গ্ৰাহকক ৫ লাখ টকাৰ ব্যক্তিগত ঋণ আগবঢ়াব বেংকটোৱে।
তাৎপৰ্যপূৰ্ণভাৱে আন পাৰ্ছনেল লোনৰ তুলনাত ইয়াৰ সুদৰ হাৰ হ’ব কম।
এই আঁচনিৰ অধীনত ঋণ গ্ৰহণ কৰা গ্ৰাহকে ১০.৫ শতাংশ হাৰত সুত আদায় দিব লাগিব।
ঋণ পাবলৈ হ’লে আবেদনকাৰী গ্ৰাহক SBIৰ গ্ৰাহক হ’ব লাগিব অৰ্থাৎ তেওঁৰ SBIত ছেভিংছ একাউন্ট থাকিব লাগিব।
ছেভিংছ একাউন্টৰ লেনদেন পৰীক্ষা কৰি বেংকে আবেদনকাৰীৰ ঋণ পোৱাৰ যোগ্যতা তথা কিমান ঋণ পাব সেয়া নিৰ্দ্ধাৰণ কৰিব।
এয়া জানিবলৈ গ্ৰাহকে ‘PAPL and four last digits of SBI account number’ লিখি ৫৬৭৭৬৭৬ নম্বৰত এছএম এছ কৰিব লাগিব।
ইয়াৰ পাছত বেংকে গ্ৰাহকক কিমান টকাৰ ঋণ পাব সেয়া জনাই দিব। তাৰ পাছতেই গ্ৰাহকে YONO SBI এপটো ডাউনলোড কৰিব লাগিব।
ইয়াত গ্ৰাহকে তেওঁ বিচৰা ঋণৰ পৰিমান তথা ঋণৰ ম্যাদ লিখিব লাগিব। যদি গ্ৰাহক সেই পৰিমানৰ ঋণ পোৱাৰ যোগ্য তেতিয়াহ’লে মোবাইল এটি ৱান টাইম পাৰ্ছৱৰ্ড আহিব।
গ্ৰাহকে সেই ৱান টাইম পাৰ্ছৱৰ্ড ছাবমিট কৰাৰ পাছতেই তেওঁৰ ছেভিংছ একাউন্টত ঋণৰ ধন বেংকে জমা কৰি দিব।এয়াই বেংকৰ নতুন অফাৰ।
ইপিনে, লকডাউনৰ বাবে বেংকে পুৰণি ঋণৰ সুতো হ্ৰাস কৰিছে।
