বিজ্ঞানীসকলে পুৰুষৰ শুক্ৰাণুৰ গুণগত মানত প্ৰভাৱ পেলাব পৰা প্ৰধান বিপদজনক কাৰকসমূহ চিনাক্ত কৰিছে, যিবোৰ কাৰকৰ ফলত পুৰুষৰ বন্ধ্যাত্বৰ সৃষ্টি হোৱাৰ সম্ভাৱনা থাকে। হাংগেৰীৰ বুডাপেষ্টৰ চেমেলৱেইছ বিশ্ববিদ্যালয়ৰ গৱেষকসকলে শুক্ৰাণুৰ পদাৰ্থৰ ক্ষতি কৰিব পৰা আটাইতকৈ বিপজ্জনক কাৰকসমূহ চিনাক্ত কৰিছে।
বিজ্ঞানীসকলৰ মতে প্ৰদূষণ, ধূমপান, ভেৰিকোচেল, ডায়েবেটিছ, অণ্ডকোষৰ টিউমাৰ আৰু বয়সৰ ফলত শুক্ৰাণু কোষৰ গুণগত মানত সৰ্বাধিক ক্ষতিকৰ প্ৰভাৱ পৰিব পাৰে।
এই গৱেষণা প্ৰতিবেদন ৰিপ্ৰডাক্টিভ বায়’লজি এণ্ড এণ্ড’ক্ৰাইন’লজী আলোচনীত প্ৰকাশ কৰা হৈছে। ইয়াত কোৱা হৈছে যে পুৰুষৰ শুক্ৰাণুৰ জিনীয় পদাৰ্থৰ খণ্ডিতকৰণত যথেষ্ট প্ৰভাৱ পেলাব পৰা কাৰকসমূহৰ ওপৰত অধ্যয়ন কৰা হৈছে।
লগতেঃ বিজ্ঞানৰ চমৎকাৰ! ৰ’বোটিক বেজীৰ জৰিয়তে মহিলাৰ শৰীৰত শুক্ৰাণু; জন্ম হ’ল দুটি শিশুৰ
“অধ্যয়নটোত ডিএনএ খণ্ডিতকৰণ বিশ্লেষণ বৰ্তমান শুক্ৰাণু কোষৰ কাৰ্যক্ষমতা নিৰ্ণয়ৰ প্ৰমাণভিত্তিক পৰীক্ষা কৰা হৈছে। ইয়াত ইয়াৰ ডিএনএৰ পৰিমাণ অৰ্থাৎ শুক্ৰাণুত থকা অক্ষত বা খণ্ডিত জিনীয় পদাৰ্থৰ অনুপাত পৰীক্ষা কৰা হয়। ডিএনএ যিমানেই খণ্ডিত হয় সিমানেই শুক্ৰাণুৰ নিষেচন ক্ষমতা হ্ৰাস পায় আৰু লগতে ই বন্ধ্যাত্বৰ সম্ভাৱনা বৃদ্ধি কৰিব পাৰে।” চেমেলৱেইছ বিশ্ববিদ্যালয়ৰ ইউৰ’লজী বিভাগৰ এণ্ড্ৰ’লজী চেণ্টাৰৰ মুৰব্বী ডাঃ জ’ল্ট কোপাই এইদৰে কয়।
বিজ্ঞানীসকলে প্ৰায় ২৭ হাজাৰ লোকৰ পৰা বীৰ্য সংগ্ৰহ কৰি কৰা গৱেষণাৰ অন্তত এই সিদ্ধান্তত উপণীত হৈছে, যিটো বৰ্তমানলৈকে হোৱা সৰ্ববৃহৎ মেটা-বিশ্লেষণ বুলি বিবেচিত হৈছে।
বৰ্তমানৰ অধ্যয়নত গৱেষকসকলে প্ৰমাণ কৰিছে যে ধূমপান নকৰা লোকৰ তুলনাত ধূমপানে গড়ে ৯.১৯% ডিএনএৰ খণ্ডিতকৰণ বৃদ্ধি কৰিব পাৰে। ইয়াৰ উপৰিও শুক্ৰাণুৰ গুণাগুণ বৃদ্ধি বা হ্ৰাস কৰাত মদ্যপান আৰু শৰীৰৰ ওজনে কোনো গুৰুত্বপূৰ্ণ ভূমিকা পালন নকৰে।
লগতে পঢ়কঃ ৰোমহৰ্ষক… প্ৰাক্তন প্ৰেমিকসহ ১২ জন বন্ধুক চাইনাইড বিষ দি হত্যা গৰ্ভৱতী যুৱতীৰ!
ক্ল’মাইডিয়া আৰু এইচপিভিৰ দৰে কিছুমান সংক্ৰমণে শুক্ৰাণুৰ গুণাগুণৰ ক্ষতি কৰা নাছিল যদিও বেক্টেৰিয়া বা অন্যান্য যৌন সংক্ৰামক ৰোগত ডিএনএৰ খণ্ডিতকৰণ বৃদ্ধি পোৱা দেখা গৈছিল (৮.৯৮ শতাংশ আৰু ৫.৫৪ শতাংশ) বুলি কোৱা হৈছে অধ্য়য়নটোত।
পূৰ্বৰ গৱেষণাৰ মতে পশ্চিমীয়া উন্নত দেশসমূহত প্ৰজননৰ হাৰ হ্ৰাস পাইছে। প্ৰতি ছয় দম্পতীৰ ভিতৰত এজনে বন্ধ্যাত্বৰ সমস্যাত ভুগিছে। ইয়াৰ একাধিক কাৰণ আছে, আৰু এই বন্ধ্যাত্বৰ বাবে প্ৰায় ৫০% পুৰুষো দায়ী।
ডিএনএৰ খণ্ডিতকৰণৰ উচ্চ হাৰ পৰুষৰ বন্ধ্যাত্বৰ এটা মুখ্য কাৰক হ’ব পাৰে। সেয়েহে সন্তান পিতৃ হোৱাৰ বাসনা থকা পুৰুষে ধূমপান ত্যাগ, নিয়মিত শাৰীৰিক কাৰ্যকলাপ কৰা বা ব্যায়াম কৰা, অধিক স্বাস্থ্যসন্মত খাদ্য গ্ৰহণ আদিক দৈনন্দিন জীৱনশৈলীত সংযোজন কৰা উচিত বুলি বিশেষজ্ঞসকলে সকিয়াই কৰি দিছে।
