ম্যানমাৰ : এইপৰ্যন্ত সেনাবাহিনীয়ে হত্যা কৰিলে ৬০জনৰো অধিক প্ৰতিবাদকাৰীক

ম্যানমাৰত সামৰিক সন্ত্ৰাস অব্যাহত আছে।

বৃহস্পতিবাৰৰ দিনা সেনা বাহিনীয়ে ৭জন প্ৰতিবাদকাৰীক গুলিয়াই হত্যা কৰা বুলি দেশখনৰ স্থানীয় সংবাদমাধ্যমে প্ৰকাশ কৰিছে।

ৰাষ্ট্ৰসংঘৰ সুৰক্ষা পৰিষদে বুধবাৰে ম্যানমাৰৰ সেনাবাহিনীৰ ক্ষান্ত হ’বলৈ আবেদন কৰাৰ পাছতে সেনাবাহিনীয়ে এই হিংসাত্মক পন্থা হাতত লৈছে।

মানৱ অধিকাৰ সংস্থা এমনেষ্টী ইন্টাৰনেচনেলে দেশখনৰ সেনাবাহিনীয়ে শান্তিপূৰ্ণ প্ৰতিবাদকাৰীসকলৰ ওপৰত যুদ্ধৰ কৌশল প্ৰয়োগ কৰা বুলি অভিযোগ কৰিছে।

BREAKING:

We verified more than 50 videos from the ongoing #MyanmarCoup crackdown.

Today we’re releasing new research which shows the military deploying their murderous methods & troops to the country’s cities & towns.#WhatsHappeningInMyanmar

*warning: graphic content* pic.twitter.com/SXxOkaMDDC

— amnestypress (@amnestypress) March 11, 2021

বৃহস্পতিবাৰে দেশখনৰ সোঁমাজৰ এখন চহৰ মিয়াংত ৬জন লোকক সেনাই হত্যা কৰে।

”আমি শান্তিপূৰ্ণভাৱে প্ৰতিবাদ কৰিছিলো।” চহৰখনৰ এজন প্ৰতিবাদকাৰীয়ে কয়- ”তেওঁলোকে যে এয়া কৰিব পাৰিলে মই বিশ্বাসেই কৰিব নোৱাৰো।”

আনহাতে আনজন প্ৰতিবাদকাৰীক হত্যা কৰা হয় দেশখনৰ য়াংগুন চহৰৰ উত্তৰ ডাগন জিলাত।

উল্লেখযোগ্য ১ ফেব্ৰুৱাৰীত দেশখনৰ নেত্ৰী আং চান ছ্যু ক্যীক অপসাৰণ কৰি সেনাবাহিনীয়ে অভ্যুত্থানৰ জড়িয়তে জুণ্টা চৰকাৰ গঠন কৰাৰ পাছতে ম্যানমাৰ প্ৰতিবাদত মুখৰ হৈ পৰিছে।

এতিয়ালৈকে ৬০জনৰো অধিক প্ৰতিবাদকাৰী মৃত্যুমুখত পৰাৰ উপৰি ২,০০০ জন লোকক গ্ৰেপ্তাৰ কৰা হৈছে বুলি জানিব পৰা গৈছে।

দেশখনৰ সেনাবাহিনীয়ে তেওঁলোকৰ এই অভ্যুত্থানটোক ন্যাযতা প্ৰদান কৰি কৈছে ছ্যু ক্যীৰ দল নেচনেল লীগ ফৰ ডেমক্ৰেছিয়ে নৱেম্বৰত হৈ যোৱা সাধাৰণ নিৰ্বাচনত জালিয়াতী কৰি বিজয় সাব্যষ্ট কৰা বাবে তেওঁলোকে শাসনভাৰ নিজৰ হাতলৈ নিছে।

তদুপৰি সেনাবাহিনীয়ে ছ্যু ক্যীৰ ওপৰত দুৰ্নীতিৰো অভিযোগ তুলিছে।