কেন্দ্ৰীয় স্বাস্থ্য মন্ত্ৰীৰ OSDৰ কাৰ্যালয়ত নিযুক্ত সুৰক্ষা কৰ্মীয়ো কৰ’নাত আক্ৰান্ত
কেন্দ্ৰীয় স্বাস্থ্য মন্ত্ৰী হৰ্ষবৰ্দ্ধনৰ এইমছত থকা বিশেষ কৰ্তব্যৰত বিষয়া (OSD)ৰ কাৰ্যালয়ত নিযুক্ত এজন সুৰক্ষা কৰ্মীৰ পৰীক্ষাত দেহত কৰ’না ভাইৰাছ পজিটিভ পোৱা গৈছে। শনিবাৰে সুৰক্ষা কৰ্মীজনৰ পৰীক্ষা কৰা হৈছিল।
সূত্ৰসমূহৰ মতে, সুৰক্ষা কৰ্মীজনৰ কৰ’না পজিটিভ পোৱাৰ পাছত বিশেষ কৰ্তব্যৰত বিষয়াগৰাকীৰ কাৰ্যালয়ৰ গোটেই শাখা পৰিষ্কাৰ কৰা হয় আৰু কৰ্মচাৰীসকলকে ধৰি আন কৰ্মীসকলকো নিজেই কোৱাৰেন্টাইনত যাৱলৈ কোৱা হৈছে।
এই সকলোবোৰ বিষয়া-কৰ্মচাৰী তথা আন কৰ্মীসকলৰ নমুনা পৰীক্ষাৰ বাবে পঠোৱাৰ সম্ভাৱনা আছে।
দেওবাৰে সুৰক্ষা কৰ্মীজনৰ সংস্পৰ্শলৈ অহা লোকসকলক বিচাৰি উলিওৱাৰ প্ৰক্ৰিয়া আৰম্ভ কৰা হৈছে।
তেওঁৰ সংস্পৰ্শলৈ অহা প্ৰতিজন লোককে কোৱাৰেন্টাইন কৰাৰ পৰামৰ্শ দিয়া হৈছে।
জানিব পৰা মতে, কমেও আৰু ছয়জন কৰ্মচাৰী, যাৰ ভিতৰত ৰেকৰ্ড শাখাৰ দুজন, এজন লেবৰটৰী এটেনডেন্ট আৰু এইমছৰ কাৰ্ডিয়’-নিউৰো চেন্টাৰৰ এগৰাকী ফেকাল্টিৰ ব্যক্তিগত সহায়কৰো অলপতে কৰা পৰীক্ষাত পজিটিভ পোৱা গৈছে।
ইয়াৰ পাছতে তেওঁলোকৰ সম্পৰ্কলৈ অহা প্ৰায় ৭০জন লোকক কোৱাৰেন্টাইনত যাবলৈ দিয়া হৈছে।
যোৱা বুধবাৰে এইমছ গেষ্ট্ৰ’এন্ত্ৰলজি বিভাগত কৰ্মৰত এজন পুৰুষ নাৰ্চৰ কোভিড-১৯ পজিটিভ পোৱা গৈছিল। তাৰ পাছত বিভাগটোত কাম কৰা চিকিৎসক আৰু নাৰ্চকে ধৰি প্ৰায় ৪০জন স্বাস্থ্যকৰ্মীক স্বেচ্ছাই কোৱাৰেন্টাইনত যাৱলৈ পৰামৰ্শ দিয়া হয়।