Seven ITBP jawans killed জম্মু-কাশ্মীৰৰ পহেলগামত আইটিবিপিৰ জোৱান কঢ়িয়াই নিয়া এখন বাহন দুৰ্ঘটনাগ্ৰস্ত হৈ খাৱৈত পৰিছে। দুৰ্ঘটনাটোত বহু সৈনিক আহত হৈছে। বাতৰি অনুসৰি, ঘটনাটোত কমেও সাতজন জোৱান নিহত হৈছে।
এই সৈনিকসকলক অমৰনাথ যাত্ৰাৰ নিৰাপত্তাৰ বাবে নিয়োজিত কৰা হৈছিল। সেইদৰে জোৱানসকলে বাছেৰে গন্তব্যস্থানলৈ গৈ আছিল। তেনে সময়তে বাটত সংঘটিত হয় এই শোকাৱহ দুৰ্ঘটনা।
ইণ্ডো-তিব্বত সীমান্ত আৰক্ষীৰ মতে বাছখনত ৩৯ জন জোৱান আছিল। ইয়াৰ ভিতৰত ৩৭ জন আইটিবিপিৰ আৰু দুজন জম্মু আৰু কাশ্মীৰ আৰক্ষীৰ জোৱান।
বাছখনৰ ব্ৰেক বিকল হোৱাৰ বাবেই এই দুৰ্ঘটনাটো সংঘটিত হোৱা বুলি জানিব পৰা গৈছে। পহেলগামৰ চন্দনৱাড়ীত দুৰ্ঘটনাটো সংঘটিত হয়।
দুৰ্ঘটনাস্থলীত এতিয়াও উদ্ধাৰ অভিযান চলি আছে। দুৰ্ঘটনাটোত বহুতৰ মৃত্যুৰ আশংকা কৰা হৈছে।
#BreakingNews | A bus carrying #ITBP and J&K Police personnel in #Pahalgam of #Kashmir, fell on the riverbank.
I pray for the safety of all those onboard and for the speedy recovery of those injured.#JammuAndKashmir #ACCIDENT #BusAccident pic.twitter.com/S1kWwhINDv— Radhika Pandey (@RadhikaPandeyUP) August 16, 2022
ইপিনে, আহতসকলক বিমানেৰে শ্ৰীনগৰৰ সেনা চিকিৎসালয়লৈ লৈ যোৱা হৈছে। আঘাতপ্ৰাপ্ত সেনাজোৱানসকলক তাতেই চিকিৎসা প্ৰদান কৰা হ’ব।