পাকিস্তান অধিকৃত বালোচিস্তান প্ৰদেশত স্বাধীনতাকামী উগ্ৰপন্থী সংগঠনৰ দুটা পৃথক পৃথক আক্ৰমণত সাতজন পাকিস্তানী সেনাৰ মৃত্যু হয়।
পাকিস্তান সেনাৰ তৰফৰ পৰা মঙলবাৰে এই কথা প্ৰকাশ কৰে।
পাকিস্তানী সেনাই মঙলবাৰে নিয়মীয়া তহলৰ সামৰণি মাৰে উভতি আহি থকাৰ সময়তে বিদ্ৰোহী সংগঠনে ৰখা বিস্ফোৰক সামগ্ৰীৰ বিস্ফোৰণ ঘটাত ছয়জন সেনা জোৱানে প্ৰাণ হেৰুৱায়।
আনহাতে, আন এটা গুলীয়াগুলিৰ ঘটনাত আন এগৰাকী পাকিস্তানী সেনাৰ মৃত্যু হয়।
পাকিস্তানৰ বালোচিস্তান প্ৰদেশত দীৰ্ঘদিনৰ পৰা স্থানীয় বালোচি নাগৰিক সকলে স্বাধীনতাৰ দাবী জনাই আহিছে।
পাকিস্তানী সেনাই বালোচিস্তানত সকলো ধৰণৰ মানৱ অধিকাৰ উলংঘন কৰি স্থানীয় নাগৰিক সকলক হত্যা কৰি তথা অস্ত্ৰৰ বলেৰে দমণ কৰি স্বাধীনতাৰ দাবী ম্লান কৰাৰ যত্ন কৰি আহিছে।
বালোচিস্তানত উগ্ৰপন্থীৰ আক্ৰমণত সাতজন পাকিস্তানী সেনাৰ মৃত্যু হোৱা ঘটনাই যথেষ্ট তাৎপৰ্য বহন কৰিছে।