নাৰী দেহ ব্যৱসায়ৰ অভিকেন্দ্ৰত পৰিণত হৈছে ডিগবৈৰ গোলাইস্থিত টুৰিষ্ট লজ। বহু বছৰৰ পূৰ্বে চৰকাৰৰ স্বীকৃতপ্ৰাপ্ত ডিগবৈৰ ব্যৱসায়ী পংকজ বৰুৱাৰ মালিকাধীন উক্ত লজ খনত দীৰ্ঘদিন ধৰি বিভিন্ন প্ৰান্তৰ পৰা মহিলা- যুৱতীক দেহ ব্যৱসায়ৰ বাবে অনাৰ অভিযোগ উত্থাপিত হৈ আহিছিল।
তেনে সময়তে তিনিচুকীয়া আৰক্ষী থানাৰ বিষয়া পৰাগ বৰগোঁহাইৰ নেতৃত্বত অভিযান চলাই ডিগবৈ টুৰিষ্ট লজৰ পৰা ছয় গৰাকী যুৱতীৰ সৈতে ৫ জন যুৱকক আটক কৰে ।
যুৱক কেইজন -ক্ৰমে আদিব আনচাৰী (২৪) , আৰিফ শ্বাহ,(২০), অমচৰ আলী( ২০), জালাউদ্দিন তালুকদাৰ (৪০) আৰু বিজয় শংকৰ আগৰৱালা( ৪৪) ।
ল’জখনৰ কৰ্মচাৰী সোমনাথ উপাধ্যায়কো (২৭) আটক কৰে আৰক্ষীয়ে ।
নিশা ২ বজাত ল’জ খনত চলিছিল আৰক্ষীৰ অভিযান । অভিযোগ অনুসৰি লজ খনৰ মেনেজাৰ হৰি শৰ্মা আৰু ৰুবি বৰুৱা নামৰ আন এগৰাকী মহিলাই যোগান ধৰিছিল এই যুৱতী সকলক। লজ খনৰ খনৰ ১২ আৰু ১৩ নম্বৰ কোঠাত যুৱক সকলে ব্যৱহাৰ কৰা বহু আপত্তিজনক সামগ্ৰীও উদ্ধাৰ কৰিছে আৰক্ষীয়ে।
ডিগবৈৰ পংকজ বৰুৱা মালিকানাধীন ল’জ খনত দীৰ্ঘ দিন ধৰি দেহ ব্যৱসায় চলাৰ অভিযোগ উঠিছে ।ইতিমধ্যে ডিগবৈ আৰক্ষী থানাত আটকাধীন যুৱক- যুৱতী সকলক আটক কৰি তদন্ত অব্যাহত ৰাখিছে।