মাৰ্কিন নৌসেনা বাহিনীৰ কৰ্মীৰ মুখত বলিউডৰ ছবিৰ গীতে ঠাই পোৱাৰ কথাই এতিয়া ভাৰতত নেটিজেন সকলৰ মাজত ব্যাপক চাঞ্চল্যৰ সৃষ্টি কৰিছে।
শেহতীয়াকৈ ছ’চিয়েল মিডিয়াত ভাইৰেল হৈ পৰিছে মাৰ্কিন নেভীৰ একাংশ কৰ্মীয়ে সুললিত ভাবে ‘স্বদেশ’ ছবিখনৰ গীত গোৱাৰ দৃশ্য।
আমেৰিকাত থকা ভাৰতীয় ৰাষ্ট্ৰদূত তৰণজিৎ সিং সান্ধুৱে ছ’চিয়েল মিডিয়াত আপলোড কৰা ভিডিঅ’টো এতিয়ালৈকে বহু লোকে চাইছে।
'ये वो बंधन है जो कभी टूट नहीं सकता! This is a friendship bond that cannot be broken ever.' 🇮🇳🇺🇸
US Navy singing a popular Hindi tune @USNavyCNO 's dinner last night! pic.twitter.com/hfzXsg0cAr
— Taranjit Singh Sandhu (@SandhuTaranjitS) March 27, 2021
ভিডিঅ’টো ভাইৰেল হৈ পৰাৰ পিছতে গীতটোৰ সংগীতজ্ঞ তথা অস্কাৰ বিজয়ী এ আৰ ৰহমানে প্ৰতিক্ৰিয়া ব্যক্ত কৰিছে।
সংগীতজ্ঞ ৰহমানে তেওঁৰ টুইটাৰত কৈছে যে স্বদেশৰ উপস্থিতি সকলোতে আছে।
ভিডিঅ’টোৰ আবেদন ইমানেই বেছি যে এ আৰ ৰহমানেও ভিডিঅ’টো শ্বেয়াৰ নকৰাকৈ থাকিব নোৱাৰিলে।
২০০৪ চনতে এ আৰ ৰহমানে স্বদেশ ছবি খনৰ বাবে গীতটো লিখিছিল আৰু নিজেই গীতটো গাইছিল।
পৰৱৰ্তী সময়ত শাহৰুখ খানে অভিনয় কৰা ছবি খনত গীতটো সন্নিবিষ্ট কৰা হৈছিল।
Swades rules for ever🌹@AshGowariker #sharukhkhan @Javedakhtarjadu https://t.co/DGgN5xRsEp
— A.R.Rahman (@arrahman) March 28, 2021
আমেৰিকাত থকা ভাৰতীয় ৰাষ্ট্ৰদূত সান্ধুৱে ভিডিঅ’টো নিজৰ অফিচিয়েল চুইটাৰত আপলোড কৰাৰ পিছতে এতিয়ালৈকে ভিডিঅ’টো ২.৯৪ লাখ লোকে চাইছে আৰু ভিডিঅ’টো ২২ লাখ ১ হাজাৰ লোকে শ্বেয়াৰ কৰিছে।
মাৰ্কিন মূলকত থকা ভাৰতীয় ৰ্ষ্ট্ৰদূতগৰাকীৰ সৈতে আমেৰিকাৰ নেভীৰ বৈঠক অনুষ্ঠিত হোৱাৰ পিছতে মাৰ্কিন নেভীৰ একাংশ বিষয়াই স্বদেশ ছবিৰ গীতটো গায়।