স্বায়ত্ত শাসিত ৰাজ্য দাবী সমিতি (এ এছ ডি চি) য়ে কাৰ্বি আংলঙ জিলাৰ ডিফুত দেওবাৰে নিজৰ শক্তি প্ৰদৰ্শন কৰি এক বিশাল গণ সমাৱেশত আঞ্চলিক দলটোৰ নেতাসকলে উদাত্ত ভাষণ আগবঢ়ায়।
কাৰ্বি আংলং স্বায়ত্ত শাসিত পৰিষদৰ প্ৰাক্তন মুখ্য কাৰ্যবাহী সদস্য জছন বেই দলসমূহৰ নেতাসকলক তথা ৰাষ্ট্ৰীয় দললৈ যোৱা নেতাসকলক আক্ৰমণৰ লক্ষ্য কৰি লয়।
সাংসদ বীৰেন সিং ইংতি আৰু অসমৰ পাৰ্বত্য অঞ্চল উন্নয়ন মন্ত্ৰী ছুম ৰংহাক সমালোচনা কৰি প্ৰাক্তন মুখ্য কাৰ্যবাহী বেই কয়, ‘’সীমান্ত অঞ্চলত থকা সীমান্ত খুটি আৰু চাইনব’ৰ্ডসমূহ মেঘালয়ৰ লোকে ভাঙি পেলাইছে, কিন্তু ইংতি আৰু ৰংহাঙে এই সন্দৰ্ভত কোনো মন্তৱ্য কৰা নাই। সাংসদ বীৰেন সিঙৰ ওপৰত ভৰসা কৰাৰ কোনো উদ্দেশ্য আছে আছে নেকি।‘’
বেই লগতে ড০ জয়ন্ত ৰংপী আৰু এলুইন টেৰণকো সমালোচনা কৰে।
প্ৰাক্তন মুখ্য কাৰ্যবাহীগৰাকীয়ে অজিত তিমুঙে স্বায়ত্ত শাসিত ৰাজ্য দাবী আন্দোলনক ৩০ বছৰ ধৰি নেতৃত্ব প্ৰদান কৰিও কেন্দ্ৰীয় চৰকাৰৰ সৈতে কোনো চুক্তি স্বাক্ষৰ কৰাত ব্যৰ্থ হোৱাৰ বাবে সমালোচনা কৰে।
‘’ আমি অজিত তিমুং, বীৰেন সিঙ ইংতি আৰু খৰচিং ইংতিৰ দৰে একেধৰণৰ এই নেতাসকলক সমৰ্থন কৰিব পাৰোনে?’’- বেই এইদৰে প্ৰশ্ন কৰে।
কাৰ্বি আংলঙত আলোড়নৰ সংষ্টি কৰা ২৪ টাতকৈয়ো অধিক সংগঠনৰ উপদেষ্টা জে আই কাথাৰ সন্দৰ্ভত বেই কয়, ‘’ জে আই কাথাৰ যদিওবা নিজেই এগৰাকী যোগ্য নেতা, কিন্তু তেওঁ অৱশেষত জাকাছক ধ্বংস কৰিলে।‘’
তেওঁ লগতে কয় যে কাৰ্বি আংলং স্বায়ত্ত শাসিত পৰিষদত পূৰ্বৰ বছৰৰ তুলনাত পুঁজি বৃদ্ধি পাইছে।
‘’ ৰাজ্য চৰকাৰৰ ফালৰ পৰা ১০০০ কোটি টকাতকৈয়ো অধিক আৱন্টন দিয়াৰ লগতে বিশেষ আঁচনিৰ বাবে কেন্দ্ৰৰ সমৰ্থিত পুঁজিৰ সৈতে পৰিষদৰ বাৰ্ষিক পুঁজি হ’বগৈ ৩০০০ কোটি টকা। পৰিষদে ইমান বৃহৎ পুঁজি লাভ কৰাৰ পিছতো কোনো উন্নয়ন হোৱা নাই। ৰাস্তা-ঘাট জৰাজীৰ্ণ আৰু স্কুল তথা কলেজৰ গৃহসমূহ মেৰামতি কৰা হোৱা নাই,’-এইদৰে অভিযোগ কৰে বেই।