বিগত ২৪ ঘণ্টাত ছিকিমত এগৰাকী কোভিড আক্ৰান্ত ব্যক্তিৰ মৃত্যু হয়।
নতুনকৈ মৃত্যু হোৱা ব্যক্তি গৰাকীৰ সৈতে ছিকিমত কোভিডৰ সংক্ৰমণৰ ফলত মৃত্যু হোৱা ব্যক্তিৰ সংখ্যা ১১ গৰাকীলৈ বৃদ্ধি পায়।
ইপিনে, ছিকিমত বিগত ২৪ ঘণ্টাত নতুনকৈ ২৪ গৰাকী লোকৰ শৰীৰত কোভিডৰ উপস্থিতি ধৰা পৰে। ইয়াৰ ফলত পাহাৰীয়া ৰাজ্যখনত মুঠ কোভিড আক্ৰান্ত লোকৰ সংখ্যা ৫২৬৩ গৰাকীলৈ বৃদ্ধি পায়।
ছিকিমত বৰ্তমান ৩৬৬ গৰাকী সক্ৰিয় কোভিড ৰোগী চিকিৎসাধীন হৈ আছে।
ৰাজ্যখনত এতিয়ালৈ ৪৬৮৫ গৰাকী কোভিড আক্ৰান্তই চিকিৎসাৰ অন্তত সুস্থ হৈ উঠিছে।
২০২১ চনৰ মে’ মাহত ছিকিমত প্ৰথম গৰাকী কোভিড আক্ৰান্ত চিনাক্ত হৈছিল আৰু ইয়াৰ পাছৰে পৰা ছিকিমতো ক’ৰ’নাৰ সংক্ৰমণ ক্ৰমাৎ বৃদ্ধি পায়।
পূৰ্বে ছিকিমৰ মুখ্য মন্ত্ৰী পি এছ টামাঙে ৰাজ্যখনৰ জনসাধাৰণে কোভিডৰ প্ৰতিষেধক বিনামূলীয়াকৈ লাভ কৰিব বুলি ঘোষণা কৰিছিল।
আনহাতে, মুখ্য মন্ত্ৰী টামাঙে ছিকিমৰ জনসাধাৰণক এতিয়াও কোভিড মহামাৰী সমাপ্ত হোৱা নাই বুলি সকীয়নি দি সকলো লোকক কোভিড প্ৰট’কল সমূহ পালন কৰি যোৱাৰ বাবে আহ্বান জনায়।
