শিৱসাগৰৰ অন্যতম সামাজিক আৰু সাংস্কৃতিক অনুষ্ঠান জনসেৱাৰ উদ্যোগত আজি বাতৰি কাকতৰ হকাৰ সকললৈ খাদ্য সামগ্ৰী আৰু মাক্স বিতৰণ কৰা হয়।
ক’ৰ’নাৰ ভয়াবহতাৰ সময়তো সামান্য মজুৰিৰে দেশ-বিদেশৰ বাতৰিৰ যোগান ধৰি থকা চহৰখনৰ প্ৰায় পঞ্চাছ গৰাকী হকাৰক সংগঠনটোৱে সাহায্য আগবঢ়ায়।
হকাৰ সকলক কালিবাৰীৰ জনসেৱা নামৰ সংগঠনটোৱে চাউল, দাউল, মিঠাতেল, চাবোন, আলু, পিয়াজ, চেনিটাইজাৰ আৰু মাস্ক বিতৰণ কৰে।
শিৱসাগৰস ৰংঘৰ চাৰিআলিত অনুষ্ঠিত এই খাদ্য সামগ্ৰী বিতৰণ অনুষ্ঠানত বিশিষ্ট সাংবাদিক এনামুদ্দিন আহমেদ, জনসেৱাৰ সভাপতি বিপুল চিলা ওজা, সম্পাদক শিশু বিশেষজ্ঞ ডাঃ সুমংগলম শইকীয়া, কাৰ্যকৰী সদস্য চুভান আলি, আৰফদ আহমেদকে ধৰি বহু ব্যক্তি উপস্থিত থাকে।
উল্লেখ্য যে জিলা প্ৰশাসন আৰু শিৱসাগৰৰ পেপাৰ এজেন্সি সমূহে এই হকাৰ সকলক সহায় নকৰাৰ অভিযোগ উত্থাপিত হৈ আছিল যদিও আজি এই সংগঠনটোৰ পদক্ষেপক আন্তৰিকতাৰে শলাগ লয় হকাৰসকলে।
