prostitution স্পেইনৰ বাঁওপন্থী প্ৰধানমন্ত্ৰী পেড্ৰ’ ছেনচেজে দেওবাৰে দেশখনৰ পৰা পতিতাবৃত্তি ‘বিলুপ্ত’ কৰাৰ অংগীকাৰ কৰি কয় যে ই মহিলাসকলক ‘দাসী’ কৰি তোলে।
তেওঁৰ ছচিয়েলিষ্ট পাৰ্টিৰ তিনিদিনীয়া কংগ্ৰেছৰ সামৰণিত ছেনচেজে তেওঁৰ চৰকাৰে গ্ৰহণ কৰা নীতিসমূহৰ বিষয়ে দাঙি ধৰি কয় যে কঠোৰ ঘৰুৱা হিংসাৰ আইন তথা ন্যুনতম মজুৰি বৃদ্ধিৰ দৰে নীতিয়ে স্পেইনক আগবঢ়াই নিয়াত সহায় কৰিব।
ভেলনচিয়াৰ ইষ্টাৰ্ণ চিটিৰ এক জনসমাগমত বিশদ দাঙি নধৰাকৈয়ে তেওঁ কয়,’’কংগ্ৰেছে গ্ৰহণ কৰা দায়বদ্ধসমূহ মই ৰূপায়ন কৰিম। আমি পতিতাবৃত্তি বিলুপ্ত কৰিবলৈ আগবাঢ়িছো যিয়ে মহিলাসকলক দাসী কৰি তোলে।‘’
স্পেইনত যৌন শোষণ আৰু যৌন দালালী অবৈধ যদিও পতিতাবৃত্তি অনিয়ন্ত্ৰিত। ৰাজহুৱা স্থানৰ বাহিৰত যিসকলে ইচ্ছাকৃতভাৱে ধনৰ বিনিময়ত যৌনতা বিক্ৰী কৰে তেওঁলোকৰ বাবে মানৱ সৰবৰাহৰ বিষয়ৰ বাহিৰে আইনৰ ভিতৰত কোনো শাস্তিৰ ব্যৱস্থা নাই।
Also Read: কিয় গ্ৰেপ্তাৰ কৰি জামিনত মুকলি কৰি দিলে প্ৰাক্তন ভাৰতীয় তাৰকা ক্ৰিকেটাৰ যুৱৰাজ সিঙক?
যদিও নিয়মীয়া ব্যৱস্থা হিচাপে স্বীকৃত নহয়, দেশখনত এক বৃহৎ সংখ্যক পতিতালয় আছে। বহুতে হোটেল বা আন ল’জৰ পৰা এই ব্যৱসায় চলাই আছে।
দেশখনৰ সংস্থা ছচিয়েল ইনভেষ্টিগেশ্যন চেন্টাৰে চলোৱা এক সমীক্ষা অনুসৰি স্পেইনৰ প্ৰতি তিনিগৰাকী লোকৰ ভিতৰত এগৰাকীয়ে তেওঁলোকৰ জীৱনকালত কমেও এবাৰ যৌনতাৰ বাবে ধন খৰচ কৰে।
উল্লেখ্য যে ২০১৯ৰ দেশখনৰ দুটা অমীমাংসিত সাধাৰণ নিৰ্বাচনত তেওঁৰ ছচিয়েলিষ্ট পাৰ্টি প্ৰথম স্থানত থকাৰ পাছত ছেনচেজে ২০২০চনৰ জানুৱাৰীত এক সংখ্যালঘু মিত্ৰজোঁট চৰকাৰৰ নেতৃত্ব গ্ৰহণ কৰে।
Also Read: ৰাজ্যত কোভিডত নতুনকৈ কিমান আক্ৰান্ত, কিমানৰ মৃত্যু; পজিটিভিটিৰ হাৰ চিন্তাৰ কাৰণ?
তেওঁৰ পাৰ্টিয়ে ২০১৯ৰ এপ্ৰিলত অনুষ্ঠিত সাধাৰণ নিৰ্বাচনৰ প্ৰাক মুহূৰ্তত এক মহিলাৰ ওপৰত দৃষ্টি ৰাখি এক ইস্তাহাৰ প্ৰকাশ কৰিছিল য’ত মহিলা ভোটাৰসকলক আকৰ্ষিত কৰিবলৈ পতিতাবৃত্তি বেআইনী কৰাৰ প্ৰস্তাৱ দাঙি ধৰা হৈছিল।
ইস্তাহাৰত পতিতাবৃত্তিক দৰিদ্ৰতাৰ সুযোগ লৈ মহিলাক ব্যৱহাৰ কৰা অন্যতম নৃংশসতাৰ দিশ বুলি কোৱাৰ লগতে ইয়াক মহিলাৰ বিৰুদ্ধে এক আটাইতকৈ নিকৃষ্ট হিংসাৰ ৰূপ বুলি অভিহিত কৰিছিল।
