পেট্ৰল ডিজেলৰ ক্ৰমাগত মূল্য বৃদ্ধিয়ে হাহাকাৰ লগাইছে দেশৰ জনসাধাৰণৰ মাজত। পেট্ৰলত ১০৫ টকা অতিক্ৰম কৰাৰ লগতে ইতিমধ্যে ১০০ টকাত খোজ দিলে অত্যাৱশ্যকীয় ডিজেলৰ মূল্যই।
কিন্তু তাৰ মাজতে বিশ্বনাথৰ এটা ডিপুত গ্ৰাহক সকলৰ বাবে কঢ়িয়াই আনিছে কিছু সকাহ জনক খবৰ।
অত্যাৱশ্যকীয় সামগ্ৰী কঢ়িওয়া বাহন সমুহৰ ক্ষেত্ৰত বিশেষ কৈ ডিজেলৰ ক্ষেত্ৰত নিৰ্ধাৰিত মূল্যৰ পৰা ১ টকা হ্ৰাস কৰাৰ বাবে ইতিমধ্যে সিন্ধান্ত গ্ৰহণ কৰিছে বুলি জানিবলৈ দিছে ৰিলায়েন্স পেট্ৰল পাম্প টোৰ স্বত্বাধিকাৰী গৰাকীয়ে।
জিলা খনৰ ভিতৰত কেৱল বিশ্বনাথ চাৰিআলিৰ ৰিলায়েন্স পেট্ৰল পাম্পটোত দিয়া হৈছে এই বিশেষ সুবিধা। আজি পাম্প টোৰ চৌহদত অনুষ্ঠিত হোৱা এক গাম্ভৰ্যপূৰ্ণ অনুষ্ঠানত ৰিলায়েন্স অইলৰ কেইবাজনো বিষয়াৰ লগতে বিশ্বনাথ চাৰিআলিৰ জেষ্ঠ নাগৰিক সকলৰ লগতে বহু সংখ্যক গ্ৰাহক উপস্থিত থাকে।
উল্লেখ্য যে গ্ৰাহক সকলৰ সুবিধাৰ্থে লোৱা এই বিশেষ সুবিধা আগন্তুক ৩১ ডিচেম্বৰ তাৰিখ লৈকে থাকিব বুলি সদৰি কৰিছে ডিপুটোৰ স্বতাধিকাৰী মৃগেন ভাগৱতীয়ে।
বৰ্তমান প্ৰতিদিনে বৃদ্ধি হোৱা পেট্ৰল ডিজেলৰ মূল্য বৃদ্ধিৰ সময়ত ডিজেলৰ ক্ষেত্ৰত প্ৰতি লিটাৰত ১ টকা হ্ৰাস কৰাৰ সিদ্ধান্তই ডিজেলৰ বৰ্দ্ধিত হাৰৰ তুলনাত বিশেষ প্ৰভাৱ পেলাব নোৱাৰিলেও গ্ৰাহক সকলক আকৃষ্ট কৰিছে।
