এগৰাকী বিশেষ বাবে সক্ষম যুৱতী।
শাৰীৰিক অক্ষমতাই যেন বাধা দি ৰাখিব পৰা নাই তেওঁক। যুৱতীগৰাকীৰ নাম হিয়া দাস। হিয়াই সৰুৰে পৰা খোজ কাঢ়িব নোৱাৰে, বিকল তাইৰ দুয়োখন ভৰি, এখন হাত তাইৰ কাৰ্যক্ষম নহয়।
এখন হুইল শ্বেয়াৰত বহিয়েই যুৱতীগৰাকীয়ে সৃষ্টি কৰি গৈছে সুপাঠ্য সাহিত্য।
এটাৰ পাছত এটা বঁটাৰে সন্মানিত হৈছে শুৱালকুছিৰ হিয়াই।
হিয়া দাসৰ ঘৰ খনত প্ৰৱেশ কৰিলে চাৰিওফালে দেখা যায় কেৱল হিয়াই লাভ কৰা বঁটা বাহনৰ ভিৰ।
বেৰত ওলমি আছে তাইৰ স্বীকৃতিবোৰ। হিয়াই কবিতাও লিখে।সাহিত্যৰ নীৰৱে সাধনা কৰি গৈছে হিয়াই।
হিয়াৰ নাই কোনো আনুষ্ঠানিক শিক্ষা, আনুষ্ঠানিক শিক্ষা অবিহনে হিয়াই “শব্দৰ আলিংগনত নৈশ শব্দ” নামেৰে কবিতা সংকলন উলিয়াইছে।
যি খন কবিতা সংকলনৰ বাবে হিয়াই লাভকৰিছে কেইবাটাও সন্মানীয় বঁটা।
National Icon Award লাভ কৰিবলৈ সক্ষম হৈছে হিয়াই। নীৰৱ সাধনাৰে শব্দৰ মায়াজাল সৃষ্টি কৰি গৈছে হিয়াই।
অহা ৭ জানুৱাৰীত উত্তৰ পূব গ্ৰন্থ মেলাত মুকলি হব হিয়াৰ নতুন গল্প সংকলন এখন । হিয়া দাসে বিচাৰিছে সকলো গ্ৰন্থপ্ৰেমীৰে সামান্য সঁহাৰি।