গুৱাহাটী মহানগৰীৰ গড়চুকত ২ ডিচেম্বৰ তথা দেওবাৰে নিশা সংঘটিত এক পথ দুৰ্ঘটনাত দুজনকৈ যুৱকে থিতাতে প্ৰাণ হেৰুৱা লগীয়া হয়। দুৰ্ঘটনাত নিহত লোক কেইজনক আজিজ আহমেদ আৰু ছাহিদুল ইছলাম বুলি চিনাক্ত কৰা হৈছে।
উল্লেখযোগ্য যে লোক দুজনে এ এছ ০১ ডি এফ ০৩৪৮ নম্বৰৰ মটৰচাইকেলেৰে ৰাষ্ট্ৰীয় ঘাইপথত আহি থকা অৱস্থাত তীব্ৰ বেগত আহি থকা এ এছ ১৫ চি ৮১১১ নম্বৰৰ বাছখনে পিছফালৰ পৰা প্ৰচণ্ড জোৰত খুন্দা মাৰে।
ফলত থিতাতে লোক দুজন নিহত হয়। নিহত লোক দুজন হাতীগাঁৱৰ নিৱাসী বুলি আৰক্ষী সূত্ৰৰ পৰা জানিব পৰা গৈছে। কালি লোক দুজনে জালুকবাৰীৰ পৰা নিজ গৃহঅভিমুখে আহি থকা সময়তে এই দুৰ্ঘটনা সংঘটিত হয়।
