‘চিণ্ডিকেটৰ অৰ্থ আচলতে মই নাজানো। চিণ্ডিকেটৰ সংজ্ঞা মই নাজানো৷ চিণ্ডিকেট বুলি ক’লে তাৰ অৰ্থ যিটো অভিধানত যিটো আমি অৰ্থ পাওঁ, ব্যৱহাৰত যিটো হয় সেইটো আকৌ বেলগ হয়।’
আজি এক সংবাদমেলত চিণ্ডিকেট সন্দৰ্ভত সোধা প্ৰশ্নত এই মন্তব্য প্ৰদান কৰে অসম ৰাজ্যিক বিজেপিৰ সভাপতি ৰনজিৎ কুমাৰ দাসে৷
দাসে কয় ‘যিদৰে আমাৰ বাছ চিণ্ডিকেট আছে৷ আমাৰ প্ৰত্যেক ঠাইতে বাছ চিণ্ডিকেট আছে৷ কংগ্ৰেছ আমোলৰ দিনৰ পৰা এই কথাটো শুনি আছো৷ এতিয়াও শুনি আছো৷কিন্তু কি চিণ্ডিকেট সেয়া মই বুজি নাপাও।’
লগতে দাসে কয় ‘কিছুমান মানুহে ব্যৱসায় কৰে৷ ব্যৱসায় কৰাটো কি চিণ্ডিকেট নেকি ? কাম হ’ব লাগে তাত আমাৰ বৈধ অবৈধৰ কথা নাহে৷ চিণ্ডিকেট শব্দটোৰ লগত পাৰ্থক্য সেইটোৱে যি অবৈধ কাম আছে।’
লগতে দাসে কয় ‘মুখ্যমন্ত্ৰীয়ে কৈছে দূৰ্নীতিৰ ক্ষেত্ৰত আপোচ কৰা নহ’ব৷ যি ব্যৱস্থা ল’ব লগা আছে সেই ব্যৱস্থা ল’ব বুলি কৈছে৷ এনে যদি কিবা থাকে তেনেহ’লে বিধায়ক হিচাপে আবেদন দিব লাগে মুখ্যমন্ত্ৰীৰ ওচৰত৷ যদি দলৰ বিধায়ক হয় সভাপতি হিচাপে মোক জনাব লাগে৷ লগতে দায়িত্বপূৰ্ণ নাগৰিক হিচাপে আৰক্ষীক এখন এজাহাৰ দিব লাগে৷ এজাহাৰখন সংবাদ মাধ্যমৰ আগত প্ৰকাশ কৰিব লাগে।’
‘আজিলৈ মোক কোনো তেনে অভিযোগ কোনো বিধায়কে দিয়া নাই। মোক যদি নকয় মই কেনেকৈ জানিম। মুখ্যমন্ত্ৰীৰ ওচৰত যদি এখন লিখিত অভিযোগ দিয়ে তেতিয়াতো উত্তৰ আহিবই। যদি দলৰ বিধায়ক হয় মোক জনালে তেওঁক মাতি কথা পাতিম। নতুবা লিখিত ভাবে ৰিপ্লাই দিব লগা হ’লে ৰিপ্লাই দিম।’ সভাপতি দাসে কয়।
