বিশ্বৰ অন্যতম ব্যস্ত জলপথ ছুৱেজ খালত ট্ৰেফিক জামৰ ফলত ব্যহত হৈ পৰিছে পৰিবহন। খালটোৰ মাজভাগতে আৱদ্ধ হৈ পৰিছে এখন বিশাল মালবাহী জাহাজ।
বাতৰি অনুসৰি, ৪০০মিটাৰ দীঘল আৰু ৫৯ মিটাৰ উচ্চতাৰ মালবাহী জাহাজখনৰ পঞ্জীয়ন নম্বৰ পানামাৰ।
জাহাখনে চীনৰ পৰা মালবাহী কন্টেইনাৰ লৈ নেদাৰলেণ্ডৰ ৰোটাৰডাম বন্ধৰলৈ গৈ আছিল। মঙলবাৰে পুৱা ৭বাজি ৪০ মিনিটত পানামা খালেৰে উত্তৰ দিশে ভূমধ্য সাগৰৰ পিনে গৈ আছিল এই বিশাকায় জাহাজখন।
ইয়াৰ মাজতে নিয়ন্ত্ৰণ হেৰুৱাই জাহাখন ঘুৰিবলৈ আৰম্ভ কৰে। অৱশেষত জাহাজখনৰ দুইটা মূৰ ছুৱেজ খালৰ দুটা পাৰে লাগি ধৰে।ফলত জাহাজখন ছুৱেজ খালত আৱদ্ধ হৈ পৰে।
অতি ব্যস্ত জলপথটোত এইদৰে জাহাজখন আৱদ্ধ হৈ পৰাত তীব্ৰ যানজঁটৰ সৃষ্টি হয়। ইখনৰ পাছত সিখন জাহাজৰ লানি লাগি পৰে।
The Suez Canal, one of the most important shipping lanes in the world, is reportedly blocked because someone accidentally got stuck with their giant container ship. The photo is unreal. pic.twitter.com/I2ACkBqPi2
— Marcel Dirsus (@marceldirsus) March 23, 2021
ইপিনে, গিভেন নামৰ জাহাজখন উদ্ধাৰত নামি পৰিছে মিচৰৰ প্ৰশাসন। সৰ্বশক্তি প্ৰয়োগ কৰি জাহাজখন উদ্ধাৰৰ বাবে চেষ্টা চলোৱা হৈছে।
ছুৱেজ খালৰ জৰিয়তে লোহিত সাগৰ আৰু ভূমধ্য সাগৰ সংযুক্ত। এছিয়া আৰু ইউৰোপত মাজত এইটোৱেই চমু জলপথ হোৱাৰ বাবে ছুৱেজ খাল অত্যন্ত ব্যস্ত জলপথ। এইটো বন্ধ হৈ থাকিলে স্বাভাৱিকতেই জলপথেৰে সামগ্ৰী পৰিবহনত ব্যাপক প্ৰভাৱ পৰিব।