মহাৰাষ্ট্ৰৰ ৰাজনীতিত শনিবাৰে এক ঐতিহাসিক অধ্যায়ৰ সূচনা হয়। ৰাজ্যখনৰ প্ৰথমগৰাকী মহিলা উপ-মুখ্যমন্ত্ৰী হিচাপে শপত গ্ৰহণ কৰে এন চি পি (NCP) নেত্ৰী সুনেত্ৰা পাৱাৰে। মুম্বাইৰ লোকভৱনত আয়োজিত এক গাম্ভীৰ্যপূৰ্ণ অনুষ্ঠানত ৰাজ্যপাল আচাৰ্য দেৱব্ৰতে তেওঁক পদ আৰু গোপনীয়তাৰ শপত বাক্য পাঠ কৰোৱায়।
শপত গ্ৰহণ অনুষ্ঠানত মহাৰাষ্ট্ৰৰ মুখ্যমন্ত্ৰী দেৱেন্দ্ৰ ফাড়নভিছ, উপ-মুখ্যমন্ত্ৰী একনাথ সিন্দে, এন চি পিৰ কাৰ্যকৰী সভাপতি প্ৰফুল্ল পেটেল, ৰাজ্যিক সভাপতি সুনীল তাটকাৰে আৰু মন্ত্ৰী চন্দ্ৰশেখৰ বাৱানকুলে উপস্থিত থাকে। ইয়াৰ উপৰি পাৱাৰ পৰিয়ালৰ ঘনিষ্ঠ সদস্য আৰু দলীয় নেতা-কৰ্মীসকলে এই ঐতিহাসিক ক্ষণত অংশগ্ৰহণ কৰে।
উল্লেখ্য যে শপত গ্ৰহণৰ পূৰ্বে সুনেত্ৰা পাৱাৰ এন চি পি বিধায়িনী দলৰ নেত্ৰী হিচাপে নিৰ্বাচিত হয়। ইয়াৰ পিছতে এন চি পিৰ শীৰ্ষ নেতৃত্বই মুখ্যমন্ত্ৰী দেৱেন্দ্ৰ ফাড়নভিছৰ সৈতে এখন বৈঠকত মিলিত হৈ সুনেত্ৰা পাৱাৰৰ উপ-মুখ্যমন্ত্ৰী হিচাপে নিযুক্তিৰ সিদ্ধান্ত চূড়ান্ত কৰে।
