পশ্চিম অসমৰ ধুবুৰী জিলাৰ সদৰ ঠাই ধুবুৰী চহৰত অৱস্থিত ধুবুৰী ভোলানাথ মহাবিদ্যালয়ৰ অসমীয়া বিভাগৰ উদ্যোগত আৰু স্নাতকোত্তৰ শ্ৰেণীৰ সহযোগত ১১জানুৱাৰী তাৰিখে “অসমীয়া ভাষাৰ উত্থান আৰু বিকাশ” বিষয়ক মূল বিষয় হিচাপে লৈ এখনি ভাষা বিষয়ক আলোচনা সত্ৰ অনুষ্ঠিত কৰা হয় ।
উক্ত বিষয়ক আলোচনা সত্ৰত ছাত্ৰ -ছাত্ৰীসকলে অসমীয়া ভাষাৰ উদ্ভৱ বিকাশ ,ৰাজপৃষ্ঠপোষকতাত অসমীয়া ভাষাৰ বিকাশ ,ব্ৰজাৱলী ভাষাৰ উদ্ভৱ আৰু বিকাশ ,অসমীয়া গদ্যৰ উদ্ভৱ আৰু বিকাশ ,অসমীয়া চৰিত পুথি আৰু বুৰঞ্জীৰ গদ্য , ঔপনিৱেশিক যুগৰ আধুনিক অসমীয়া ভাষাৰ গঠন আৰু বিকাশ আদি বিষয়ত ২০খন গৱেষণা পত্ৰ পাঠ কৰে ।
আলোচনা সত্ৰখনৰ আৰম্ভণিতে অসমীয়া বিভাগৰ মুৰব্বী অধ্যাপক ড.উপেন্দ্ৰজিত শৰ্মাই আলোচনা সত্ৰখনৰ লক্ষ্য আৰু উদ্দ্যেশ্য সম্পৰ্কে বিশদ ব্যাখ্যা দাঙি ধৰে ।
আলোচনা সত্ৰখন অসম সংগীত পৰিবেশনেৰে আৰম্ভ কৰা হয় আলোচনা সত্ৰখনত ভাষাবিদ ড.দ্বিপেন্দ্ৰ কুমাৰ অধিকাৰী ,ড.কৰুণাকান্ত দাস ,ড.উপেন্দ্ৰজিত শৰ্মা ,বেবী বৰা ,ড.অলকা শৰ্মাই সমল ব্যক্তি হিচাপে অংশ গ্ৰহণ কৰে ।
আলোচনা সত্ৰখনত মনালিছা বেগম ছাইফুল হাচানে সহযোগ আগবঢ়াই ।ছাত্ৰ -ছাত্ৰীসকলৰ অংশ গ্ৰহণে আলোচনা সত্ৰখন সফল কৰি তোলে ।
