শান্তিৰ ন’বেল বিজয়ী মালালা ইউছুফ জাইৰ যোৱা ৯ নৱেম্বৰত বিয়া হৈ গ’ল।মালালাৰ স্বামী পাকিস্তানৰ এগৰাকী উদ্যোগপতি তথা পাকিস্তান ক্ৰিকেট বোৰ্ডৰ কৰ্মকৰ্তা অছৰ মালিক।
কিন্তু মালালাৰ বিয়াকলৈ সন্তুষ্ট নহয় বাংলাদেশৰ লেখিকা তছলিমা নাছৰিন।মালালাই এজন পাকিস্তানী যুৱকৰ সৈতে বিয়া৩ত বহাৰ বাবেই মনত বেজৰ পাইছে তছলিমাই।
তছলিমাই তেওঁৰ টুইটাৰত এই প্ৰসংগকলৈ একাধিক টুইটো কৰিছে। তছলিমাই কৈছে যে এসময়ত যিসকল লোকে মালালাক হত্যা কৰিবলৈ চেষ্টা কৰিছিল তেনেলোকৰ সৈতেই মালালা বিয়া হ’ল।
পকিস্তানৰ সন্ত্ৰাসবাদীৰ আক্ৰমণৰ বাবেই মালালাই দেশ ত্যাগ কৰি বিদেশত থাকিবলগীয়া হ’ল বুলি মন্তব্য কৰি তছলিমাই কয়— যিয়ে তেওঁক আশ্ৰয় দিছে, আহত অৱস্থাত চিকিৎসা কৰোৱাইছে, ধনৰ যোগান ধৰিছে সেই দেশৰ ইংৰাজ যুৱক এজনৰ সৈতেহে মালালাই বিয়াত বহিব লাগিছিল।
বিয়াত বহাৰ ক্ষেত্ৰত মালালাই খৰখেদা কৰাৰ কথা উল্লেখ কৰি তছলিমাই কৈছে যে মালালাৰ বয়স মাত্ৰ ২৪ বছৰ। তেওঁ অক্সপোৰ্ড বিশ্ববিদ্যালয়ত পঢ়িব বুলি আশা কৰা হৈছিল।
ভবা হৈছিল ৩০ বছৰ বয়সলৈকে হয়তো মালালাই বিয়াৰ কথা চিন্তাই নকৰিব। কিন্তু সয়ো নহ’ল।সেইবাবেই মালালাৰ বিয়াক লৈ সুখী হ’ব পৰা নাই তছলিমা নাছৰিন।
উল্লেখ্য প্ৰাণঘাতী আক্ৰমণৰ পিছতে স্বদেশ পাকিস্তান এৰি ব্ৰিটেইনত বাস কৰি থকা মালালাই অৱশেষত বিবাহপাশত আৱদ্ধ হৈছে ।
শান্তিৰ ন’বেল প্ৰাপক মালালা ইউছুফজায়ে ব্ৰিটেইনৰ বাৰ্মিংহামত মঙলবাৰে বিবাহপাশত আৱদ্ধ হয়।
ছ’চিয়েল মিডিয়াৰ জৰিয়তে মালালাই তেওঁৰ বিয়াৰ কথা ৰাজহুৱা কৰিছে। ২৪ বছৰীয়া মালালাৰ স্বামীৰ নাম হৈছে অছৰ মালিক।
টুইটাৰত মালালাই লিখিছিল—’ আজিৰ দিনটো মোৰ বাবে এক মূল্যৱান দিন।আজি মই আৰু আছিৰে বিবাহপাশত আৱদ্ধ হৈ ইজনে-সিজনক জীৱন সংগী হিচাবে বিচাৰি পালো’। মালালাই টুইটাৰত বিয়াৰ চাৰিখন ফটোও দিছিল।
মালিক Pakistan Cricket Boardৰ High-Performance Centreৰ প্ৰৱন্ধক হিচাবে কৰ্মৰত হৈ আছে।
উল্লেখ্য মালালাই ব্ৰিটেইনৰ পৰা প্ৰকাশিত বিশ্ববিখ্যাত Vogue আলোচনীত চলিত বছৰৰ জুলাই মাহত প্ৰকাশিত এটা সাক্ষাৎকাৰত পূৰ্বে এইবুলি কৈছিল—’মই বুজি নাপাওঁ মানুহে কিয় বিয়া হ’ব লাগে। যদি আপুনি কোনো লোকক জীৱন সংগী কৰিব লাগে তেন্তে কিয় এসোপা নথি-পত্ৰত স্বাক্ষৰ কৰিব লাগে? আমি কিয় সহজ ভাবে জীৱন সংগী বাচি ল’ব নোৱাৰো?’
মালালাৰ সাক্ষাৎকাৰটো প্ৰকাশৰ পিছতে বহুতে ভাছিল যে মালালা হয়তো বিয়াৰ বিষয়কলৈ বিৰক্ত। কিন্তু কথাবোৰ যে তেনে নহয় সেয়া প্ৰমাণ কৰি দিলে মালালাই।
উল্লখ্যে সন্ত্ৰাসবাদীৰ সমান্তৰাল শাসন চলি থকা পাকিস্তানত প্ৰায় ৯ বছৰ পূৰ্বে সন্ত্ৰাসবাদীৰ আক্ৰমণৰ লক্ষ্য হৈ পৰিছিল ১৫ বছৰীয়া কিশোৰী মালালা ।
দেশ খনত তালিবানৰ বাধাকো নেওচি মালালাই স্ত্ৰী শিক্ষাৰ হকে দেহে কেহে খাটিছিল।
সন্ত্ৰাসবাদীৰ বিৰুদ্ধে যোৱাৰ বাবেই ২০১২ চনত মালালাৰ ওপৰত সন্ত্ৰাসবাদীয়ে চলাইছিল প্ৰাণঘাতী আক্ৰমণ।
মালালাৰ চকুৰ কাষৰে গুলি পাৰহৈ গৈ কান্ধত আঘাত কৰিছিল। সেইবাৰলৈ কথমপি প্ৰাণ ৰক্ষা পৰিছিল মালালাৰ।
তেতিয়াৰে পৰাই ব্ৰিটেইনত আশ্ৰয় গ্ৰহণ কৰি আছে মালালাই।
