গুৱাহাটীৰ দিল্লীত চলা এখন বিশাল বজাৰ। এই বজাৰখনৰ টাৰ্গেট অসমৰ যুৱতী আৰু কিশোৰী। দিল্লীৰ ৰেড লাইট এলেকাত বিক্ৰী কৰা হয় অসমৰ কিশোৰী।
অসমীয়া সহজ-সৰল কিশোৰী-যুৱতীক দুষ্ট চক্ৰই টাৰ্গেট কৰি বিক্ৰী কৰি আহিছে দেশৰ ভিন্ন প্ৰান্তৰ নিষিদ্ধ গ’লিত। ৰেড লাইট এলেকাত চাহিদা বেছি অসমৰ কিশোৰী-যুৱতীৰ। তাৰেই সুবাদতেই একাংশ দালালে জালত পেলাই আহিছে বহু সুন্দৰীক।
সেয়েহে ৰাজধানী দিল্লীৰ ১৪ নম্বৰ গলিত চলিল বশিষ্ঠ আৰক্ষীৰ অভিযান। গুৱাহাটীৰ বশিষ্ঠ আৰক্ষী থানাৰ এলেকাৰ পৰা এগৰাকী নাবালিকাক অপহৰণ কৰি দুৰ্বৃত্তই দুষ্ট চক্ৰৰ হাতত গটোৱাৰ পৰিকল্পনা কৰিছিল। ১৪ মার্চত গুৱাহাটীৰ কইনাধৰাৰ পৰা দুৰ্বৃত্তই উঠাই নিছিল কিশোৰীগৰাকীক।
প্ৰায় দুমাহ পূৰ্বে বশিষ্ঠ আৰক্ষী থানাত ৰুজু হোৱা ১৫৮/২০২৫ নম্বৰ গোচৰৰ ভিত্তিত তদন্তকাৰী আৰক্ষীয়ে অব্যাহত ৰাখিছিল অনুসন্ধান। দিল্লীৰ অপহৰণকাৰী ৰাজু দাস জড়িতৰ তথ্য পাইছিল আৰক্ষীয়ে।
দ্বিতীয় পক্ষৰে দৰদামৰ অন্তত ৩ লাখ টকাত দুষ্ট চক্ৰৰ হাতত গটোৱাৰ পূৰ্বেই ৰাজু দাসৰ কৱলৰ পৰা আৰক্ষীয়ে উদ্ধাৰ কৰে কিশোৰীগৰাকীক। সু-স্বাস্থ্যই নাবালিকাগৰাকীক অভিযানকাৰী আৰক্ষীৰ দলে নিজৰ জিম্মাত লোৱাৰ বিপৰীতে দিল্লীৰ নিষিদ্ধ গলিতে আৰক্ষীয়ে গবা মাৰি ধৰিলে ৰাজু দাসক।
সম্প্ৰতি বশিষ্ঠ আৰক্ষীৰ জিন্মাত ৰাখিছে অভিযুক্ত ৰাজুক।
