এইবোৰ কি? লাভলীনাক শুভেচ্ছা দিয়াৰ নামত নিজকে জহাবলৈ এয়া কি কৰিলে মন্ত্ৰী-মুখ্যমন্ত্ৰীয়ে?

অলিম্পিকত অংশ লোৱা অসম কন্যা লাভলীনাক অসমবাসীয়ে হিয়া উজাৰি আশীৰ্বাদ দিছে। স্বাভাৱিকতে অসম গৌৰৱ লাভলীনাই পুনৰ অলিম্পিকত পদক জয়েৰে ৰাজ্যখনৰ লগতে দেশৰ মান বৃদ্ধি কৰাৰ আশা কৰিছে অসমৰ জনসাধাৰণে।

কিন্তু এইক্ষেত্ৰত আমাৰ নেতা-মন্ত্ৰীসকলে আৰম্ভ কৰা প্ৰতিযোগিতাত বহু অপ্ৰত্যাশিত ঘটনাও ঘটিবলৈ লৈছে।

সিদিনা মুখ্যমন্ত্ৰীৰ নেতৃত্বত গোটেই মন্ত্ৰী-বিধায়কে ৰাজপথত চাইকেল চলাই লাভলীনাক শুভেচ্ছা জনালে।

বাতৰি অনুসৰি, ইয়াৰ বাবে ৰাজহুৱা ধন ভাঙি মন্ত্ৰী-বিধায়কসকলক চাইকেলবোৰো কিনি দিয়া হৈছে। সেয়া সত্য হ’লে কৰ’নাৰ এই সংকটকালত মন্ত্ৰী-বিধায়কসকলে চাইকেলেৰে লাভলীনাক শুভেচ্ছা দিয়াটো একপ্ৰকাৰ বিলাস বুলিয়েই ক’ব লাগিব।

নেতা-মন্ত্ৰী, বিধায়ক বা জনপ্ৰতিনিধিসকলে নীতি-আদৰ্শৰ কথা কোৱাই নহয়, ৰাজহুৱা প্ৰদৰ্শনতো তাৰ প্ৰতিফলন দাঙি ধৰা উচিত।

ছচিয়েল মিডিয়াত এগৰাকী য়ুজাৰে ব্যংগ কৰি কৈছে যে এইদৰে চাইকেল চলাই লাভলীনাক শুভেচ্ছা দিয়াতকৈ মন্ত্ৰী-বিধায়কসকলৰ মাজত প্ৰদৰ্শনীমূলক বক্সিং প্ৰতিযোগিতা এখন পাতি শুভেচ্ছা জনালে অধিক ‘পজিটিভ বাৰ্তা’ গ’লহেঁতেন।

তদুপৰি, সিদিনা শাসক বিৰোধী মন্ত্ৰী-বিধায়কসকলে মাস্ক পৰিধান নকৰা, সামাজিক দূৰত্ব বিধি নমনা আদি কথাবোৰে জনসাধাৰণক কি বাৰ্তা দিছে সেয়া ছচিয়েল মিডিয়া খুলিলেই উমান পোৱা যায়।

কিন্তু ইয়াতেই জানো শেষ হৈছে? লাভলীনাক শুভেচ্ছা দিয়াৰ নামত এইবাৰ স্বয়ং ক্ৰীডা আৰু যুৱ কল্যাণ, সাংস্কৃতিক, শক্তি তথা পৰ্যটন মন্ত্ৰী বিমল বৰাই কৰিলে আন এক কাণ্ড। ইয়াকে লৈ এতিয়া ছ’চিয়েল মিডিয়াত চলিছে সৰস চৰ্চা।

মন্ত্ৰী বিমল বৰাই লাভলীনা বৰগোঁহাইক শুভেচ্ছা জনাই ৰাজহুৱাভাৱে ডিছপ্লে’ কৰা এখন কাট আউটত নিজৰ ফটোখনকে লগাই দিছে।

ওপৰত ইংৰাজীত লিখা আছে- ‘’অভিনন্দন আৰু শুভেচ্ছা, লাভলীনা বৰগোঁহাই (বক্সাৰ)… টকিঅ’ অলিম্পিক-২০২০লৈ যোগ্যতা অৰ্জন কৰাৰ বাবে… আপুনি অসমৰ গৌৰৱ’’। তাৰ তলতে নিয়ম মতে থাকিব লাগিছিল লাভলীনাৰ ফটোখন। কিন্তু ক্ষমতাৰ ৰাগীত মন্ত্ৰীয়ে সকলো পাহৰি লগাই দিলে নিজৰেই ফটোখন।

এতিয়া এইখনক লৈ ছচিয়েল মিডিয়াত বিভিন্নজনে সৰস মন্তব্য দাঙি ধৰিছে।

এজনে লিখিছে,’’ লাভলিনাক ইম্মান বেলেগ লাগিছে ন…. বহুত আগৰ ফ’টো হবলা…চুলি চুটি আছিল আৰু অলপ গোঁফ আছিল, এতিয়া উঠালে ( এতিয়া কিছুমানৰ গালি বৰষিব মই লাভলিনাক ঠাট্টা কৰা বুলি’’।

Promoting athletes. Assam ishtyle. https://t.co/jImilfusjB pic.twitter.com/wsdNzWEaGE

— বড়া (@BorahBedabrata) July 24, 2021

কিন্তু ইয়াতেই শেষ নহয়, সেই একেটা কামকে কৰিছে ৰাজ্যখনৰ বৰমূৰীয়া গৰাকীয়েও। সকলো বিষয়ৰে বিজ্ঞ বুলি পৰিচিত মুখ্যমন্ত্ৰী ড০ হিমন্ত বিশ্ব শৰ্মাইয়ো সেই একেটা কাণ্ডকে কৰিলে।

মুখ্যমন্ত্ৰীগৰাকীয়েও তেওঁৰ শুভেচ্ছা জনোৱা কাট আউটখনত ওপৰত একেখিনি কথাই লিখিলে, কিন্তু লাভলীনাৰ ফটোখন দিবলৈ পাহৰিলে। ওহো! পাহৰা নাই, নিজৰ ফটোখন লগাবলৈ। সঁচাকৈয়ে দৃষ্টিকটু হৈ পৰিছে এই ছবি।

Name a caption ! pic.twitter.com/MbCKR2ei9f

— Major (Dr) Jiten Borgohain (R) (@jiten_borgohain) July 24, 2021

মুখ্যমন্ত্ৰী হিমন্ত বিশ্ব শৰ্মা আৰু মন্ত্ৰী বিমল বৰা-আপোনালোকে এটা কথা মনত ৰখা ভাল হ’ব যে আত্মপ্ৰচাৰৰ সুযোগ ল’ব লাগে সঁচা, সেইবুলি য’তে ত’তেই নহয়।

Who qualified for the #Olympics 😳#Assam https://t.co/rChdpRYNzn

— Anupam Bordoloi (@asomputra) July 23, 2021

জনসাধাৰণৰ দৃষ্টি এতিয়া আপোনালোকৰ প্ৰতিটো কামৰ ওপৰতে আছে। ৰাইজক বুৰ্বক সজাই নিজৰ ঢাক ঢোল বজোৱাৰ দিন উকলিল।