মুখ্য নদীসমূহত পানীৰ স্তৰ বৃদ্ধি হোৱাৰ ফলত অসমৰ বান পৰিস্থিতিৰ অৱনতি ঘটিছে আৰু এতিয়ালৈকে ৩১ জন লোকে বানত প্ৰাণ হেৰুৱাইছে। ৰাজ্যখনৰ কেইবাঠাইতো নেৰানেপেৰা বৰষুণৰ ফলত ভূমিস্খলন ঘটিছে।
শুকুৰবাৰে দুটি শিশুসহ আৰু ৯জন লোকে প্ৰাণ হেৰুৱাইছে। আন এজন ব্যক্তি সন্ধানহীন হৈ আছে।
বানপানীৰ ফলত ৰাজ্যখনৰ ২৮ খন জিলাৰ ২,৯৩০ খন গাওঁৰ প্ৰায় ১৯ লাখ লোক ক্ষতিগ্ৰস্ত হৈছে।
গুৱাহাটীত ধাৰাসাৰ বৰষুণৰ ফলত চহৰখনৰ বিভিন্ন প্ৰান্তৰ পৰা নতুনকৈ ভূমিস্খলনৰ খবৰ পোৱা গৈছে। আনহাতে বিভিন্ন ঠাই জলমগ্ন হৈ পৰিছে।
গুৱাহাটীৰ বশিষ্ঠ অঞ্চলত ভূমিস্খলনৰ ফলত এটা ঘৰৰ গাৰ্ড ৱাল খহি পৰিছে।
বাতৰি অনুসৰি, বাসগৃহটো কল্পনা কুমাৰী ডেকা নামৰ এগৰাকী মহিলাৰ বুলি চিনাক্ত কৰা হৈছে। অৱশ্যে এই ঘটনাত কোনো হতাহত হোৱাৰ খবৰ পোৱা হোৱা নাই। মঠঘৰীয়া অঞ্চলত সংঘটিত আন এক ভূমিস্খলনৰ ঘটনাত এটা ঘৰ ক্ষতিগ্ৰস্ত হৈছে।
যোৱা পাঁচ দিন ধৰি অসমত হোৱা ধাৰাসাৰ বৰষুণৰ গুৱাহাটীৰ সকলো মুখ্য পথতে আঁঠুলৈকে পানী জমা হৈছে।
গুৱাহাটীৰ আঞ্চলিক বতৰ বিজ্ঞান কেন্দ্ৰৰ মতে অন্ততঃ পৰৱৰ্তী দুদিনৰ বাবে বৰষুণ হোৱাৰ সম্ভাৱনা নাই।
অসম আৰু মেঘালয় দুয়োখন ৰাজ্যতে ১৮ জুনলৈকে ‘ৰেড এলাৰ্ট’ জাৰি কৰা হৈছে।