কাজিৰঙা ৰাষ্ট্ৰীয় উদ্যান কৰ্তৃপক্ষই আন এক সাফল্য লাভ কৰিছে ৷ উদ্যান কৰ্তৃপক্ষই যোৱা নিশা চলোৱা এক বিশেষ অভিযানত তিনি গঁড়ৰ খৰ্গৰ চোৰাং ব্যৱসায়ীক কৰায়ত্ত কৰিবলৈ সক্ষম হয় ৷
ৰাষ্ট্ৰীয় উদ্যানখনৰ ডি এফ অ’ ৰমেশ কুমাৰ গগৈৰ নেতৃত্বত যোৱা অভিযানকাৰী দলে ১৫ আগষ্টৰ নিশা গঁড়ৰ খৰ্গ অতি সংগোপনে বিক্ৰী কৰাৰ অভিযোগত কলিয়াবৰৰ বান্দৰডুবিৰ পৰা ইমান আলী নামৰ এজন লোকক আটক কৰে ৷
লগতে পঢ়ক: টীয়কত চাঞ্চল্যকৰ ঘটনা; প্ৰেমিকাক চুৰিকাঘাত কৰি আত্মহত্যা প্ৰেমিকৰ
এই ইমান আলীয়ে এটা গঁড়ৰ খৰ্গ বিক্ৰী কৰাৰ তথ্য লাভ কৰিছিল উদ্যান কৰ্তৃপক্ষই ৷ এই তথ্যৰ আধাৰত আৰু ধৃত ইমান আলীৰ স্বীকাৰোক্তিৰ ভিত্তিত যোৱা নিশা চলোৱা আন এক অভিযানত এক গোপন স্থানৰ পৰা বাহাৰুল ইছলাম আৰু কাৰ্বি আংলং জিলাৰ ৰমবংৱেৰ পৰা মোহন তেৰাং নামৰ আন দুই গঁড়ৰ খৰ্গৰ ব্যৱসায়ৰ সৈতে জড়িত লোকক আটক কৰে ৷
তিনিজনীয়া এই দলটোৱে তিনিমাহৰ পুৰ্বে এটা গঁড়ৰ খৰ্গ বিক্ৰী কৰিছিল বুলি ডি এফ অ’ ৰমেশ গগৈয়ে জনায় ৷
লগতে পঢ়ক: ৰূপহীহাটত গ্ৰেনেড আৰু হস্ত নিৰ্মিত পিষ্টল উদ্ধাৰ
এই খৰ্গ ক’ৰ পৰা সংগ্ৰহ কৰিছিল বা কাক বিক্ৰী কৰিছিল এই সংক্ৰান্তত অধিক তথ্যৰ বাবে তিনি গঁড়ৰ খৰ্গৰ চোৰাং ব্যৱসায়িক জেৰা চলাই আছে অভিযানকাৰী দলে ৷
