ৰাজ্য চৰকাৰে স্বাস্থ্যখণ্ডত আমুল পৰিৱৰ্তনৰ ঢাকঢোল বজাই থকাৰ সময়তে তাৰ সম্পুৰ্ণ ওলোটা ছবি প্ৰতিফলিত হৈছে বঙাইগাঁও জিলাৰ উত্তৰ অভয়াপুৰী সমষ্টিৰ এটা উপ স্বাস্থ্য কেন্দ্ৰত।
চৰকাৰে বজোৱা স্বাস্থ্য খণ্ডৰ আমুল পৰিৱৰ্তনৰ ঢাক ঢোল বাস্তৱত যেন অসাৰ। চৰকাৰী উপ স্বাস্থ্য কেন্দ্ৰত চৰকাৰী আঁচনিৰ পৰিৱৰ্তে ৰাইজৰ দান-বৰঙণিৰে নিৰ্মাণ আৰু মেৰামতি কৰিছে উপস্বাস্ত্য কেন্দ্ৰৰ গৃহ।
বঙাইগাঁও জিলাৰ উত্তৰ অভA sub য়াপুৰী সমষ্টিৰ ৩নং জামদহাৰ উপ স্বাস্থ্য কেন্দ্ৰৰ নাজল নাথল অৱস্থা। ১৯৮৩ চনত চৰকাৰে স্বীকৃতি দিয়া এটা উপ-স্বাস্থ্য কেন্দ্ৰৰ এনে অৱস্থা হোৱাত আচৰিত যেন লাগিলেও ই সচাঁ।
এই উপ স্বাস্থ্যকেন্দ্ৰটোৰ নামত আছে ৬ বিঘা মাটি। সেয়া ১৯৯১ চনত আবন্টন দিয়া হয় যদিও আন্তঃগাঁথনিৰ কোনো উন্নয়ন নহ’ল। অতিকৈ পিছ পৰা এই অঞ্চলৰ ৰাইজৰ বাবে এই স্বাস্থ্য কেন্দ্ৰটো অতিকৈ মূল্যৱান সম্পদ বুলিয়ে ৰাইজৰ দান-বৰঙণিৰে নিৰ্মাণ আৰু মেৰামতি কৰা হৈছে।
এখন বিভিন্ন সুবিধা সম্বলিত গৃহৰ বাবে বহু আবেদন নিৱেদন কৰি সুফল পোৱা নাই ইয়াৰ গঞা ৰাইজে। উপায় নাপাই ৰাইজৰ পৰা টকা তুলি গৃহ নিৰ্মাণ কৰে যদিও বৰ্তমান সেয়া জহিখহি গৈছে।
সেয়ে বৰ্তমানৰ স্বাস্থ্যমন্ত্ৰী কেশৱ মহন্তক এটা বিল্ডিং আৱন্টন দি এই অঞ্চলৰ ৰাইজক স্বাস্থ্যসেৱাৰ সুবিধা প্ৰদান কৰাৰ দাবী জনাইছে অঞ্চলবাসী ৰাইজে।