যোৱা জুন মাহৰ ২ তাৰিখে উৰিষ্যাৰ বালেশ্বৰত সংঘটিত হয় ভয়ানক ৰে’ল দুৰ্ঘটনা। এই দুৰ্ঘটনাত প্ৰায় ৩০০ গৰাকী লোকে প্ৰাণ হেৰুৱাই আৰু হাজাৰ হাজাৰ লোক আহত হয়।
দুৰ্ঘটনা সংঘটিত হোৱাৰ পিছতেই তাৎক্ষণইকভাবে কেন্দ্ৰীয় চৰকাৰৰ নিৰ্দেশত ৰে’ল সুৰক্ষা আয়োগে এই দুৰ্ঘটনাৰ তদন্ত আৰম্ভ কৰে।
শেহতীয়াকৈ ৰে’ল সুৰক্ষা সমিতিয়ে প্ৰকাশ কৰিছে ভয়ানক দুৰ্ঘটনাটোৰ তদন্তৰ প্ৰতিবেদন।
প্ৰতিবেদন অনুসৰি ৰে’লখনৰ চিগনেলিং চিষ্টেমত হোৱা সমস্যাৰ কাৰণ হৈছে ৰে’লৱে মেৰামতি কৰ্মী।
কিয়নো সংকেতত দিয়া আখৰবোৰ বুজি নাপালে শ্ৰমিকসকলে। লগতে সংকেটৰ তাঁৰত লেবেল সংযোগ কৰাত ভুল কৰিছিল শ্ৰমিকসকলে। লেভেল ক্ৰছিং লোকেচনৰ বাকচত থকা তাঁৰবোৰত ভুল লেবেল লগোৱা হৈছিল। উল্লেখ্য যে এই ভুল বছৰ বছৰ ধৰি ধৰা নপৰে। ভুল লেবেলৰ বাবেই চিগনেল লাভ কৰাত ব্যৰ্থ হৈছিল ৰে’লখনৰ চালক।
তদন্তকাৰীৰ মতে, চিগনেলত দোষ থকাৰ পিছতো ৰঙা পতাকাখন দেখা পালে হয়তো কৰমণ্ডল এক্সপ্ৰেছৰ চালকে ৰেলখন নিয়ন্ত্ৰণ কৰিব পাৰিলেহেঁতেন, কিন্তু, তেওঁ ৰঙা পতাকাখনো দেখা নাপালে। যাৰ বাবেই এক ভয়ংকৰ দুৰ্যোগৰ সৃষ্টি হয়।
ভাৰতীয় ৰে’লৱেৰ সংকেট আৰু দূৰসংযোগ বিভাগেই এই ঘটনাৰ বাবে প্ৰধানকৈ দায়ী বুলি জানিব পৰা গৈছে। প্ৰতিবেদনত লগতে কোৱা হৈছে যে স্বয়ংক্ৰিয় সংকেত ব্যৱস্থাৰ ‘অস্বাভাৱিক আচৰণ’ ধৰা পেলাব নোৱাৰাৰ বাবে ষ্টেচন মাষ্টাৰো দায়ী।
