গোলাঘাট নগৰৰ গণপতি ট্ৰেড এণ্ড ইলেকট্ৰিকেল নামৰ এখন হাৰ্ডৱেৰ ব্যৱসায়িক প্ৰতিষ্ঠানত যোৱা নিশা চোৰে চলালে চাফাই অভিযান।
গোলাঘাট সদৰ থানাৰ পৰা প্ৰায় ৩০০ মিটাৰ দূৰত্বত অৱস্থিত ব্যৱসায়িক প্ৰতিষ্ঠানখনত সংঘটিত হোৱা এনে চুৰিকাণ্ডই আচলতে গোলাঘাট নগৰখনত নিৰাপত্তাৰ দিশৰ প্ৰতি আৰক্ষী প্ৰশাসন কিমান সষ্টম তাকে প্ৰমাণিত কৰিছে।
যোৱা নিশা ব্যৱসায়িক প্ৰতিষ্ঠানখনৰ পিছফালৰ দুৱাৰ ভাঙি ভিতৰত প্ৰৱেশ কৰি লুটি নিয়ে ৬০ হাজাৰকৈ টকা।
Also Read: নিশা কলিয়াবৰত অঘটন; উলুৱনী আৰক্ষী নিৱেশৰ আৱাসত গুলিবিদ্ধ হ’ল এটি চাৰিবছৰীয়া শিশু
আজি পুৱা ব্যৱসায়িক প্ৰতিষ্ঠানখন খোলাৰ পাছতেই নিশা চোৰৰ চাফাই অভিযানৰ কথা জানিব পাৰে।
অৱশ্যে প্ৰতিষ্ঠানখনত সংযুক্ত হৈ থকা চিচিটিভি কেমেৰাত সমগ্ৰ চুৰিকাণ্ডৰ দৃশ্য বন্দী হৈ আছে।
প্ৰতিষ্ঠানখনৰ গৰাকীয়ে আৰক্ষীক বিষয়টো অৱগত কৰে যদিও বৰ্তমানলৈকে আৰক্ষী ঘটনাস্থলীত উপস্থিত হোৱা নাই।
উল্লেখ্য যে নগৰখনত প্ৰায়ে বাইককে ধৰি বিভিন্ন চুৰিকাণ্ডৰ ঘটনা সংঘটিত হৈ অহাৰ পাছতো কিন্তু গোলাঘাট আৰক্ষীয়ে এইসমূহ ৰোধ কৰাৰ ক্ষেত্ৰত কোনো সফলতা লাভ কৰিব পৰা নাই।
Also Read:New Delta Strain: অ’মিক্ৰণৰ আতংকৰ মাজতে চীনত নতুন প্ৰজাতিৰ কৰ’নাৰ সংক্ৰমণে বৃদ্ধি কৰিছে উদ্বেগ
ইয়াৰ পূৰ্বেও নগৰখনত সান্ধ্য আইন বলৱৎ হৈ থকাৰ মাজতো কেইবাটাও চুৰিকাণ্ড সংঘটিত হৈছিল। যাৰ বাবে নিৰাপত্তাৰ ক্ষেত্ৰত সাধাৰণ জনতাৰ প্ৰশ্নৰ সন্মুখীন হৈ আহিছে গোলাঘাট আৰক্ষী।
