শিল বা ইটাৰে নহয়, পেলনীয়া প্লাষ্টিকেৰে নিৰ্মাণ কৰা হৈছ ভূমিস্খলন প্ৰতিৰোধী গাৰ্ড ৱাল।
‘প্লাষ্টিক ৱাল’ প্ৰকল্পৰ অধীনত তামিলনাডুৰ নীলগিৰি জিলাত আৰম্ভ কৰা হৈছে এই অভিনৱ প্ৰকল্পৰ কাম।
যোৱা ৫ জুনত বিশ্ব পৰিৱেশ দিৱসৰ দিনাই নীলগিৰি জিলাৰ কুনুৰ পৌৰ নিগমে আৰম্ভ কৰা এই প্ৰকল্পটোৰ ২৬.৭৬ মিটাৰ গাৰ্ড ৱাল ইতিমধ্যে সম্পূৰ্ণ কৰা হৈছে।
উক্ত গাৰ্ড ৱালখনত প্ৰায় ১,২০,০০ কিলোগ্ৰাম পেলনীয়া প্লাষ্টিক ব্যৱহাৰ কৰা হৈছে বুলি জনাইছে কুনুৰ পৌৰ সভাই।
কুনুৰ পৌৰ সভাৰ চেনিটাৰি পৰিদৰ্শক পি এম মালামুৰুগানে কয়, “সাধাৰণতে এই ধৰণৰ ৱাল ইটাৰে নিৰ্মাণ কৰা হয়। কিন্তু ইয়াত মাটি আৰু পেলনীয়া প্লাষ্টিকেৰে নিৰ্মাণ কৰা হৈছে। আমাৰ পৌৰ সভাৰ স্বাস্থ্য বিষয়া জে ৰাঙ্গানাথনে এই পৰামৰ্শ আগবঢ়ালে। এই প্লাষ্টিকবোৰ সম্ভৱতঃ ১২০ বছৰলৈকে কাৰ্যক্ষম হৈ থাকিব!”
এই প্ৰকল্প কাম অন্যান্য ঠাইলৈ সম্প্ৰসাৰিত কৰা হ’ব বুলিও তেওঁ জানিবলৈ দিয়ে।
“আৰু কিছুমান ঠাইতো আমি এই কাম আৰম্ভ কৰিম। যদি সম্ভৱ হয় আমি ইয়াক দীৰ্ঘম্যাদী কৰিব খুজিছো।” তেওঁ লগতে আৰু কয়।
কুনুৰ পৌৰ সভাই ২০১৬ চনৰ পৰা প্লাষ্টিকৰ গাৰ্ড ৱাল নিৰ্মাণৰ এই প্ৰকল্প স্বচ্ছ ভাৰত অভিযানৰ অধীনত ‘প্লাষ্টিক বিৰোধী আইন ২০১৬’ৰে আৰম্ভ কৰিছিল।
উল্লেখ্য যে, নীলগিৰি জিলা প্ৰশাসনে ২০১৯ চনত এবাৰ ব্যৱহাৰ্য প্লাষ্টিক জিলাখনত ব্যৱহাৰ কৰি নিষিদ্ধ কৰিছিল।
পৰিৱেশ প্ৰদূষণ হ্ৰাসকৰণৰ লগতে ভূগৰ্ভৰ পানী দূষিতকৰণ ৰোধৰ কৰাৰ বাবে জিলা প্ৰশাসনে পানীৰ বটল, চফ্ট ড্ৰিংকছ আৰু অন্যান্য খাদ্য সামগ্ৰী পেকেটৰ লগতে এবাৰ ব্যৱহাৰ্য প্লাষ্টিক ব্যৱহাৰ কৰাতো নিষিদ্ধ কৰিছিল।