নগাঁও জিলাৰ চামগুৰি আৰক্ষীয়ে ৩৭ নং ৰাষ্ট্ৰীয় ঘাইপথত গোপন সূত্ৰৰ খবৰৰ ভিত্তিক চোৰাং গৰু সৰবৰাহৰ বিৰুদ্ধে অভিযান চলাই ২১টা গৰুসহ এখন ট্ৰাক জব্দ কৰাৰ লগতে তিনিজন লোকক আটক কৰে ৷
চামগুৰি সমষ্টিৰ অন্তৰ্গত কাৱৈমাৰী অঞ্চলৰ পৰা হাইলাকান্দিলৈ বুলি এএছ ০১ এল চি ১২৯১ নম্বৰৰ ট্ৰাকখনত ২১ টা গৰু সৰবৰাহ কৰি থকা হৈছিল।
গৰু ভৰ্তি গাড়ীখন আহি থকা অৱস্থাত ৩৭ নং ৰাষ্ট্ৰীয় ঘাইপথত চামগুৰি আৰক্ষীয়ে অভিযান চলাই ট্ৰাকসহ চোৰাং গৰু জব্দ কৰে।
আৰক্ষীয়ে লগতে গাড়ী খনৰ চালক, পৰিচালক ক্ৰমে ৰেয়াজুৱান হুছেইন(২১), মুজামিল হুছেইন (৩৫) আৰু আবু কালাম (২৪)নামৰ তিনিজন লোকক আটক কৰে ৷
ইতিমধ্যে আটকাধীন তিনিওজন সৰবৰাহকাৰীকে জেল হাজোতলৈ প্ৰেৰণ কৰে বুলি আৰক্ষীৰ সূত্ৰই প্ৰকাশ কৰিছে ।
